Bigarren eskuko autoa erosi du, eta hiru aldiz matxuratu zaio hurrengo hamabost egunetan

  Bezero batek bigarren eskuko auto bat erosi zuen, 4.507 euro ordainduta, eta autoa egoera onean zegoela zioen kontratua ordaindu zuen. Hamabost egunen buruan, ordea, hiru matxura izan zituen, eta auto-jabeak auzitara jo zuen, kontratua baliorik gabe gera zedila eskatzeko eta dirua itzul ziezaiotela. Epaiketan, erosleak aditu baten txostena aurkeztu zuen, gidagailua oso hondatua zeukala esanaz, motorra aleka hartua, aurreko argietako bat matxuratuta, eta eguzki sabai elektrikoa ere gaizki. Guztia konpontzen hasita, 10.000 euro behar izango zituzkeen. Salaketa horiek entzunda, saltzaileak bere buru zuritu nahi izan zuen: autoa bigarren eskukoa zela nabarmendu zuen, 211.000 kilometro bazituela eginak eta IAT ongi pasatu zuela. Bartzelonako Probintzia Auzitegiaren ustez, ordea, autoa ez zegoen baldintza onetan errepidean ibili ahal izateko (2007ko abenduaren 18koa da epaia). Horregatik, kontratua baliorik gabe utzi zuen, eta 1.527 euro ordaintzera behartu zuen saltzailea, kopuru horixe gastatu behar izan baitzuen erosleak epaiketan.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du