Nabigatze-menua pasa eta edukietara joan

EROSKI CONSUMER, el diario del consumidor

Bilatzailea

Buletinak

| Utzi | Aukerak |

EROSKI CONSUMEReko kanalak

Hizkuntza aldatu

Beste baliabide batzuk

  • beste pertsona bati bidali

Informazio honetan agertzen diren datuak, informazioak, interpretazioak eta kalifikazioak burutu ziren momentuari soilik dagozkio eta, beraz, iraupen mugatua dute.

6 iberiar urdaiazpikoren xerrak aztertu ditugu: Ez dago alderik ezkurretik pentsura

Ezkur urdaiazpikoak pentsu urdaiazpikoak halako bi balio du; gantz gehiago du, eta gehigarririk ez diote eransten, baina horrez gain, ez da alderik agertu ez dastatze proban, ez elikadura osaeran

Sei iberiar urdaiazpikoren xerrak, banan-banan

Ibérico Sierra de Azuaga

 
  • "Pentsu urdaiazpiko iberiarra".
  • 100 gramoko ontzian dator, xerratan.
  • 6,05 euro balio dute ehun gramoek. Hau izan da merkeenetakoa.
  • Etiketa egoki emana du. Elikadura osaeraren berri ematen du.
  • Urdaiazpikoaz eta gatzaz gain, azukrea eta gehigarriak ere baditu: E-331 azidotasun-doigarria (sodio zitratoa), E-250 (sodio nitritoa) eta E-252 (potasio nitratoa) kontserbagarriak; eta E-301 herdoilaren aurkakoa (sodio askorbatoa).
  • Guk aztertu ditugun xerretan, etxe honetakoak izan dira hezeenetakoak (% 39) eta gazienetakoak (% 5,3 gatza eta % 2,1 sodioa). Hauek eman dute proteina gutxien (% 23).
  • Dastatze proban 6,4 puntu lortu ditu, eta kolorea gustatu zaio asko jendeari.

Iglesias

 
  • "Pentsu urdaiazpiko iberiarra". 100 gramoko ontzian dator, xerratan.
  • 6,05 euro balio dute ehun gramoek. Hau izan da merkeenetakoa.
  • Etiketa egoki emana du, eta, gainera, elikadura osaeraren berri ematen du, baita ontziak zenbat xerra dakartzan ere.
  • Urdaiazpikoaz eta gatzaz gain, azukrea ere badu (laktosa) eta zenbait gehigarri: E-250 (sodio nitritoa) eta E-252 (potasio nitratoa) kontserbagarriak; eta E-301 herdoilaren aurkakoa (sodio askorbatoa).
  • Guk aztertu ditugun xerretan, etxe honetakoak izan dira hezeenak (% 41) eta gazienak (% 6,6 gatza eta % 2,6 sodioa). Proteina gehien ere hauek eman dute (% 32). Gantza, berriz, besteek baino gutxiago agertu dute (% 20), eta kaloriak ere bai (312, ehun gramo bakoitzeko).
  • Dastatze proban 5,9 puntu lortu ditu. "Kolorea" gustatu zaio jendeari, baina ez "gazi puntua".

Matorral

 
  • "Iberiar urdaiazpikoa". 125 gramoko ontzian dator, xerratan.
  • 6,86 euro balio dute ehun gramoek.
  • Etiketa gaizki emana du: ez du esaten zein kalitate maila duen; alegia, ez du esaten txerria zerekin elikatu duten, eta urdaiazpikoari zein izen dagokion: ezkur urdaiazpikoa, pentsuz osatua edo pentsu urdaiazpikoa. Gainera, kalitate ziurtagiria ematen duen enpresaren ikurra eta adierazpena falta ditu. Txerriari jarraipen zorrotza egiten dio enpresa horrek jaiotzen denetik hiltzen duten arte, eta hortik ateratzen den urdaiazpikoaren kalitate bermea ematen du merkaturatzerakoan.
  • Etiketak badu, hala ere, alderdi on bat: elikadura osaeraren berri ematen du.
  • Urdaiazpikoaz eta gatzaz gain, zenbait gehigarri ere baditu: E-331 azidotasun-doigarria (sodio zitratoa), E-250 (sodio nitritoa) eta E-252 (potasio nitratoa) kontserbagarriak; E-300 herdoilaren aurkakoa (azido askorbikoa).
  • Guk aztertu ditugun xerretatik, etxe honetakoak izan dira gantzatsuenetakoak (% 34) eta kaloria gehienekoak (413, ehun gramo bakoitzeko).
  • Dastatze proban 6,6 puntu lortu ditu. "Zain asko" dituelako gustatu zaio jendeari; alegia, gantz zerrendak eduki dituelako haragian tartekatuta.

Navidul

 
  • "Pentsu urdaiazpiko iberiarra". 80 gramoko ontzian dator, xerratan.
  • 7,5 euro balio dute ehun gramoek. Pentsu urdaiazpikoetan, hau izan da garestiena.
  • Etiketa ongi emana du, eta, gainera, ontziak zenbat xerra dituen adierazten du.
  • Urdaiazpikoaz eta gatzaz gain, gehigarriak ere baditu, baina kontserbagarriak soilik: E-250 (sodio nitritoa) eta E-252 (potasio nitratoa).
  • Guk aztertu ditugun xerretatik, etxe honetakoak izan dira hezeenetakoak (% 39) eta proteina gehien daukatenetakoak (% 28). Gantz gutxien dutenen artean geratu dira (% 24), eta kaloriatan ere hauek izan dira apalenetakoak (331, ehun gramo bakoitzeko). Gatza ere, beste gehienek baino gutxiago eman dute: % 4,2.
  • Dastatze proban 6,6 puntu lortu ditu. "Kolorea eta distira" gustatu zaizkio jendeari.

Iberjabug

 
  • "Iberiar urdaiazpikoa". 90 gramoko ontzian dator, xerratan.
  • 6,22 euro balio dute ehun gramoek.
  • Etiketa gaizki emana du: ez du esaten zein kalitate maila duen; alegia, ez du esaten txerria zerekin elikatu duten, eta urdaiazpikoari zein izen dagokion: ezkur urdaiazpikoa, pentsuz osatua edo pentsu urdaiazpikoa. Gainera, kalitate ziurtagiria ematen duen enpresaren ikurra eta adierazpena falta ditu. Txerriari jarraipen zorrotza egiten dio enpresa horrek jaiotzen denetik hiltzen duten arte, eta hortik ateratzen den urdaiazpikoaren kalitate bermea ematen du merkaturatzerakoan.
  • Urdaiazpikoaz eta gatzaz gain, gehigarriak ere baditu: E-250 (sodio nitritoa) eta E-252 (potasio nitratoa) kontserbagarriak, E-300 herdoilaren aurkakoa (azido askorbikoa).
  • Urdaiazpiko guztien artean, honek eman du gatz gutxien, % 3,8 (beste lau etxetan, % 5aren inguruan edo goitik ibili dira batzuk, eta beste batek % 6,6 eman du).
  • Dastatze proban 5,9 puntu lortu ditu: neurtu ditugun alderdi batean ere ez da nabarmendu, eta kritika aipagarririk ere ez diote egin.

Montaraz

 
  • "Ezkur urdaiazpiko iberiarra".
  • 100 90 gramoko ontzian dator, xerratan.
  • 13,22 euro balio dute ehun gramoek. Hau izan da seietan garestiena, alde handiarekin, gainera. Jakina, hau bakarra da ezkur urdaiazpikoa (etiketak hala dio).
  • Etiketa gaizki emana du: kalitate ziurtagiria ematen duen enpresaren ikurra eta adierazpena falta ditu.
  • Urdaiazpikoa eta gatza, ez du besterik. Batere gehigarririk gabea da, beste bostak ez bezala.
  • Guk aztertu ditugun xerretatik, etxe honetakoek eman dute hezetasun gutxien (% 33); gantza (% 34) eta kaloriak, berriz (414, ehun gramo bakoitzeko), beste gehienek baino gehiago eman dituzte.
  • Dastatze proban 6,1 puntu lortu ditu: ez da ezertan nabarmendu, eta kritikatu ere ez dute egin.

Orrialde-zenbaketa

Ekintza honek Bizkaiko Foru Aldundiaren Kultura Sailaren laguntza jaso du

Orrialde honen baliabideak

Orri honen balidazioak

  • : W3C-WAIren Web 1.0 Edukirako Irisgarritasun Jarraibideak 'A-hirukoitza' mailarekin betetzen dituela adierazten du
  • XHTML: W3Ck dokumentu hau XHTML 1.1 zuzena dela baiztatzen du
  • CSS: W3Ck dokumentu hau CSS zuzena erabiltzen duela baiztatzen du
  • RSS: feedvalidator.org-k gure RSS jarioak zuzenak direla baiztatzen du