Kontsumitzaile bati egindako iruzurra

Auto saltoki bateko kudeatzaileak iruzur egin dio erosleari autoaren dokumentuekin

 Kontsumitzaile batek bigarren eskuko autoa hartu zuen saltoki batean, eta hango kudeatzaileari agindu zion Madrilgo Trafiko Zuzendaritzan jakinaraz zezala jabe aldaketaren berri. Gainera, 60,10 euro ordaindu zizkion lan horiek egiteko; denbora baten buruan, ibilgailuaren dokumentuak iritsi zirela esan zioten. Baina Madrilgo Trafiko Zuzendaritzak sekula ez zuen esku artean eduki ibilgailu haren txostenik, eta auzia zigor epaitegira iritsi zen azkenean. Akusatuak onartu zuen bere hutsa, baina ez erosleari iruzur egin nahi izan ziola; haren esanetan, agindua ez betetzea egotzi behar zioten, eta erantzukizun zibila eskatu. Epai saioan, ordea, frogatua geratu zen akusatua eroslea engainatzen saiatu zela, eta sinetsarazi nahi izan ziola egin beharreko jakinarazpenak egin zituela. Horregatik, 2007ko uztailaren 20ko epaian, Madrilgo Probintzia Auzitegiak isuna jarri zion -egunero 6 euro ordaintzera zigortu zuen, bi hilabetez-, eta ordaindu ezean, legeak ezartzen duen erantzukizun pertsonal subsidiarioari aurre egin beharko zion.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du