Bidaiak. Hegazkin konpainien erantzukizuna

Nazioarteko hegaldi bat huts egin dute, herrialde barruko hegaldia ez delako garaiz ibili, baina konpainiak ez ditu hartu nahi bere gain kostu moralak

 Bidaiari batzuek auzitara eraman zuten hegazkin konpainia bat, eta 815 euroko kalte-ordaina eskatu zioten hegazkina atzeratu zelako eta horrek kalteak eragin zizkielako. Malaga-Madril-Santiago (Txile) hegaldia zuten hartuta, baina Malagatik Madrilerako hegaldia ez zen garaiz ibili, eta Santiagorako hegazkinak ihes egin zien, eta opor egun batek ere bai. Hegazkin konpainiak aukera eman zien hurrengo egunean irtetekoa zen hegazkina hartzeko, baina itxaroten eman zituzten orduetan, inork ez zien lagundu, eta euren kabuz aurkitu behar izan zuten hotela, eta euren dirutik ordaindu gastu guztiak (ostatua, otorduak eta garraioa). Epaiketan, konpainiak onartu zuen gastu horiei aurre egiteko dirua jartzea, 215 euro, baina ez gainerako kalteengatik eskatzen zituzten 600 euroak (egindako kalte moralengatik eta galdutako opor egunarengatik). Malagako Merkataritza Auzitegiaren epaiak, ordea, argi uzten du hegazkina ez zela atzeratu ezinbestean; konpainiari komeni zitzaizkion moldaketa batzuen erruz baino. Ondorioz, bezeroek kalte moralen ordaina jasotzeko eskubidea zutela onartu zuen (2007ko apirilaren 27koa da epaia), eta kopurua kalkulatzeko, alde batetik, hegazkin txartelaren balioa hartu zuen kontuan, eta, bestetik, galdutako denbora (egun bat). Azkenean, bidaiari bakoitzari, gehienez ere, ehun euroko ordaina emango ziotela erabaki zuen.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du