Jabetza Horizontala. Higiezinen administratzailearen erantzukizuna

Etxejabe elkarte bateko administratzaileak epez kanpo eskatu du diru laguntza lan batzuk egiteko, eta bere dirutik ordaindu du

 Etxejabe elkarte batek batzarra egin eta fatxada konpontzeko lanak hastea erabaki zuen, Udalari baimena galdegitea eta diru laguntza eskatzea. Komunitatearentzat lanean ari zen administratzaileak, ordea, ez zuen garaiz eskatu diru laguntza, eta gabe geratu ziren. Etxejabeek salaketa jarri zuten administratzailearen aurka, eta Madrilgo Auzitegiak zigortu egin zuen (2007ko otsailaren 26koa da epaia): 12.000 euroko kalte-ordaina eman behar izan zien etxejabeei, diru laguntza horixe jaso izango baitzuketen gauzak ongi egin izan balitu. Administratzaileak argudiatu zuen ordainagiriak kobratzera mugatzen zela bere lana, eta administrazio lanak eta diru kontuak egitera. Auzitegiak, ordea, frogatutzat eman zuen hori ez zela horrela, Akta Liburuan argi eta garbi ikusten baitzen kontratua egina zutela Higiezinen Administratzaile bati dagozkion lan guztiak egin zitzan, eta soldata bat ere jasotzen zuela hori egiteagatik.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du