Nabigatze-menua pasa eta edukietara joan

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Buletinak
    •  | Utzi  | Aukerak |
  • Aurreko portadak

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Gaurkotasuna eta aisia > Azaleko gaia

Λ

Informazio honetan agertzen diren datuak, informazioak, interpretazioak eta kalifikazioak burutu ziren momentuari soilik dagozkio eta, beraz, iraupen mugatua dute.

Bizikletarekin hirian barrena: 37 bidegorri aztertu ditugu eta bizikletak alokatzeko 11 zerbitzu publiko: Hiriak ez du nahi bizikletan ibili

 Kirola egiteko bai, baina ez garraiobide moduan erabiltzeko. Horretarako erabiltzen da bizikleta hiri barnean, eta ez nonahi ere; parkeetan eta eremu berdeetan izaten da aukeraren bat seguru samar ibiltzeko, min hartzeko arriskurik gabe, baina hortik kanpo, ezer gutxi. Baina toki horietara inguratzeko ere, askok autoa hartu behar izaten dute, besteak beste, modurik ez dutelako bizikleta autobusean edo metroan sartzeko. Espainiako 18 hiriburu aztertu ditu CONSUMER EROSKI-k, eta bizikletan ibiltzeko, gabeziak dira nagusi gehienetan: bidegorri gutxi, bizikletak uzteko lekuak falta eta garraio publikoarekin loturak egiteko aukerarik apenas. Datuek nabarmen utzi dute hiriak, oraingoz, bizikletari bizkar emanda bizi direla.

CONSUMER EROSKI-k egiaztatu nahi izan du zenbateraino erabiltzen den bizikleta hiri barnean mugitzeko. Batetik, 37 bidegorri aztertu ditugu, eta bizikletak alokatzeko 11 zerbitzu publiko. Bestetik, galdetegia bidali diegu 18 hiriburuetako udalei, azal dezaten zer egitura dauzkaten bizikletaren erabilera sustatzeko. Hiriburu hauek hautatu ditugu: A Coruña, Alacant, Bartzelona, Bilbo, Donostia, Granada, Iruñea, Kordoba, Madril, Malaga, Murtzia, Oviedo, Santander, Sevilla, Valentzia, Valladolid, Gasteiz eta Zaragoza.

Emaitzek erakutsi dute bizikletak, oraindik ere, hiri barneko ibilgailu bihurtzeko, bide luzea duela egiteko, eta are luzeagoa hiriek berek. Izan ere, guztiak aintzat hartuta, emaitza nahiko eskasa eman dute, "hala-holakoa". Hiriak banan-banan aztertuta, honela geratu zaizkigu: okerren, Alacant eta Oviedo daude, "oso gaizki". Ez dute bidegorririk, ez bizikletak alokatzeko zerbitzu publikorik. Murtzia ere "oso gaizki" dago, ez baitu alokairu zerbitzurik, eta bidegorriak ere oso gutxi. Malagan eta A Coruñan beste hainbeste gertatzen da (horiek "gaizki" daude). Beste muturrean, 5 hiriburu hauek "ongi" daude: Bartzelona, Bilbo, Donostia, Sevilla eta Gasteiz. Kordoban, Iruñean, Valladoliden eta Zaragozan "onargarria" da egoera, baina badute ze hobetua. Granada, Madril, Santander eta Valencia, berriz, "hala-hola" dabiltza.

A zer parea: hiria eta bizikleta

Bizikleta egiazko alternatiba izango bada hiri garraioan, hiriek egokitu egin behar dituzte egiturak. Hona hemen ezinbestean bete beharreko baldintza batzuk:

  1. Bidegorri azpiegitura ona behar dute. Asko izatea garrantzitsua da, baina ongi egotea ere bai. Hiriko guneak lotzeko balio behar dute, ahalik eta gune gehien (erdigunea, inguruko auzoak eta ondoko herri txikiak), eta ongi zainduta egon behar dute. Gainera, seinalez ongi hornitu behar dira, txirrindulariak, oinezkoak eta ibilgailu gidariak seguru ibili ahal izateko..
  2. Bizikletak aparkatzeko lekuz hornituak egon behar dute. Garrantzitsua da bidegorrian bizikletak aparkatzeko tokiak jartzea, kiroldegi eta kirolgune inguruetan, ikastetxeen ondoan, kultur eremuen eta administrazio egoitzen alboan, autobus eta tren geltokietan, eta, oro har, jendea biltzen den leku guztietatik gertu.
  3. Hiri garraiobideekin lotzeko prestatuak egon behar dute. Garraiobide publikoak gelditzen diren tokiekin lotuta egon behar dute bidegorriek, eta garraiobide horiek lekua eduki behar dute bizikletak sartu ahal izateko.
  4. Bizikletak alokatzeko udal zerbitzuak ugaritu behar dira. Bizikletan ibiltzera bultzatu behar dira tokiko biztanleak eta turistak.
  5. Bide heziketako kanpainak sustatu behar dira. Txirrindularientzat ongi etorriko dira halakoak, baina baita oinezko eta gidarientzat ere. Guztien artean lortu behar da hiri iraunkorra eraikitzea, eta errespetu-irizpideen arabera antolatzea kaleak eta ibilbideak.
 

Orrialde-zenbaketa



Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto