Etxebizitza. Erosleei emateko eguna atzeratu

Enpresa eraikitzaileak ez du bete etxebizitza emateko epea

  Etxejabe talde batek enpresa eraikitzailearen aurka jo zuen, etxebizitza ez zietelako eman kontratuan ageri zen egunerako. Baina hori baino luzeagoa zen soka: empresak agiri bat sinatzera ere behartu zituen, zeinetan uko egin behar izan zioten edozein erreklamazio egiteari, eta, ordainetan, enpresa sustatzaileak bere gain hartuko zituen argi-kontagailuan pilatutako gastua eta argi-zerbitzua ezartzeak eragindako gastuak. Ez zuten begi onez ikusi hori egin beharra ?gehiegizkoa zela iruditu zitzaien, eta sinatzera behartu egin zituztela sentitu zuten-, eta kalte-ordaina eskatu zuten. Eskatu eta irabazi egin zuten epaiketa. Alacanteko Auzitegiak adierazi zuen enpresak ez zituela bete etxeak emateko epeak, eta argi utzi zuen sinarazi zieten klausula ez zela behar bezain argia eta ongi zehaztua. Eta erosleek, bolada batez, beste etxe batean bizi behar izan zutenez beraiena eskuratu arte, Auzitegiak erabaki zuen hilean 700 ?-ko kaltea egin ziela enpresak, eta, gainera, atzeratzeagatik, 9.100 ? ordaindu beharko ziela. Eta azkenik, beste 910 ?-ko kalte-ordaina ordaintzera ere behartu zuen enpresa, atzerapenak hainbat buruhauste, ezinegon eta urduritasun sortu zizkietelako etxejabeei, eta ezin izan zituztelako beren bizi-proiektuak pentsatu bezala gauzatu.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du