Airezko garraioa, atzerapena eta kalte morala

Hegaldiaren atzerapena dela-eta, aire konpainiaren artapena, eskasa

 Bidaiariek Habanatik Espainiara itzultzeko hegaldian atzerapen latza nozitu zuten. Bidaia abuztuaren 28rako aurreikusia bazegoen ere, biharamunera arte geroratu zen eta bidaiariak Habanako hotel batera eraman zituzten. Hiru minutuko dei bakar bat egiteko baimena eman zitzaien eta edari bakar bat eman zitzaien hotelean egon zen egun osoan. Abuztuaren 29an, atzerapen metatua zela medio, ez zirela irtengo jakinarazi zitzaien ostera. Azkenean, abuztuaren 30ean hegaldia goizeko 8:30etan abiatzea aurreikusia zegoen baina berriro ere gaueko 21:00ak arte atzeratu zen. Aire konpainiaren aurkako demanda ezarri zuten, hegaldia atzeratzearren eta lanpostuan sartzeko beharraren ondorioz nozitutako estresagatik eta hainbat botika eskuratu beharra zeukatelako. Konpainiak atzerapena Katrina urakanaren errua ?beraz, ezinbesteko kasua? zela argudiatu zuen arren, bidaiariek auzia irabazi zuten eta haietako bakoitzari 1.200 euroko indemnizazioa ordaindu zitzaien. Malagako Merkataritza Epaitegiak, 2007ko apirilaren 20an emaniko epaian adierazi zuenez, nazioarteko eta Europako arautegiaren arabera, atzerapen handia gertatuz gero aire konpainiek bidaiariei eskaini behar dieten gutxieneko arretarik ere atzeman ez zelako gertatu zen kalte morala.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du