Nabigatze-menua pasa eta edukietara joan

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Buletinak
    •  | Utzi  | Aukerak |
  • Aurreko portadak

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Gaurkotasuna eta aisia > Txostena

Λ

IRUDIETAN: Inauterietako maskarada

Mundua planeta globalizatua ez zelarik, gizaki denek, ez bazekiten ere, erritu bat, berbera betetzen zuten: mozorroa janztea. Neguarenak egin duenean, arauak urratzeko xedez, aurpegia ezkutatu eta kalea hartzeko zergatia bilatzean antropologoak, historialariak eta soziologoak ez datoz bat. Ama lurraren indarberritze eta emankortasuna ospatzea, gaizkia eta ongia elkarren aurka jartzea eta, kristauen egutegia aitzakia, ospakizun paganoaz baliatuz oturuntza egitea dira tesirik sendoenak. Baliteke arrazoi bakar bati heldu behar ez izatea ere. Inauterian hamaika adierek bat egiten dute: Ama Lurraren mendeko garela aitortzea, justiziari zor zaiona ordaintzea eta Garizumaren helduera prestatzea. Jatorri horiek errespetatu egiten dira egun ere, bazterrean gorderik ditugun arren. Inauteriak bereizgarri nagusia du, dena den: araua urratzeko aukera aprobetxatzea, horren berri eman behar izan gabe. Nonahi egiten da hori, mutur batetik bestera: Indian eta Kanarietan, Brasilen eta Bavieran, Chiapasen eta Nafarroan.

  
Ruben García Blázquez

Anue haraneko Lantz herrixkak antzina-antzinako inauteriaren adierazpeneko ikurretako asko bildu ditu; areago, pertsonaien, egintzen eta motiboen azalpen bakarra ez izatearen misterioari ere heldu dio. Alde batetik, Ama Lurra eta Bizia identifikatze horretan Erromako saturnalen mitoa ospatzen du; bestetik, Herioa datza hor. Horrekin batera, justizia erdiestearen aldeko borroka taularatzen du baina kalean borroka eta liskarretan dabiltzan pertsonaiak ez dira ez onak, ez gaiztoak, ñabardurez josiak agertzen dira, zintzoak dira eta gaizkile, aldi berean: beren rolak antzeztu eta gehiegikeriaz aritu ahal izateko, mozorroaz baliatzen dira.

Txatxoak, kolore biziez jantzi eta eszenako jaun eta jabe bihurturik, aurpegia estalita daramate. Zaldikoren erasoetatik ihesi doan Ziripoten eskolta dira Eta Zaldikoren atzetik doaz Arotzak, perratzaileak. Txatxoak, aldi berean, ikuskizunari so daudenak izutu, Ziripot zirikatu, Zaldiko atzitzen denean txalo jotzen eta zaldia ferratzen arotzei laguntzen diete. Pantomima amaitzean, txatxoek, gaizkiaren ikurra den Miel Otxin altxaturik, akabatu, sua eman eta zortzikoa dantzatuko dute biribilean, garaipena ospatzeko.

Eszenaratze magiko horrek, nortasuna ezkutatzen duten mozorroen kontraesana gorpuzten du: ongiaren atzetik doazen arren, gaizkia egitea atsegin-bide dute.

Txatxoak, mozorroturik, herria zeharkatzeko prest

  
Ruben García Blázquez

Ziripot aitona potoloa, makila lagun, atzitzaileei ihes eginez

  
Ruben García Blázquez

Zaldikok Ziripoti eraso eta lurrean zerraldo utzi du

  
Ruben García Blázquez

Arotzak Zaldikoren bila, ferrak ezartzeko

  
Ruben García Blázquez

Miel Otxín, hiru metroko gaizkilea azaldu da herrira

  
Ruben García Blázquez
  
Ruben García Blázquez

LMiel Otxin harrapatu, hil eta sutan erre izana ospatzen dute txatxoek

  
Ruben García Blázquez

Interesgarriak izan daitezkeen beste erreportaje batzuk


Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto