Nabigatze-menua pasa eta edukietara joan

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Buletinak
    •  | Utzi  | Aukerak |
  • Aurreko portadak

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Gaurkotasuna eta aisia > Txostena

Λ

Naturako zaindariak

Noranahiko ibilgailuan, motorrean, oinez, uniforme berdea jantzita -kolore urdina errebindikatzen ari dira, Europako lankideekin homologatze aldera-prismatikoak lepoan, lege-kodeak eta fauna eta flora-gidak autoan eskura, mapak aurrealdean eta GPS bat patrikan, 6.000 basozain dabiltza Espainiako oihanetan. Misioa, natura babestea, hots, udako suteen kontrako borroka baino asko gehiago. Urte osoan zehar mendirik mendi, abelbideetan barrena, urbazterrak miatuz dabiltza, kilometroak eta kilometroak eginez, arriskutan dauden espezieen erroldak osatzeko, erreka eta hezeguneetako uraren kalitatea zaintzeko, arbolen osasunaz arduratzeko, piztien kontrako lakio zein pozoirik izan ez dadin zaintzeko obligazioa bereganatua. Areago, naturaren baitara animatzen diren txangozaleen maisurik onenak dira batzuetan.

  
Ruben García Blázquez

Eguneko eginbeharrekoak hartuz

Baso Agenteak, Inguruneko Agenteak, Landa Zaintzaileak edo Natura Babesteko Agenteak. Tokian tokiko Administrazioak ezarritako izenak gorabehera, 1877an halakotzat instituzionalizatutako funtzionario horiek, 1966ko Errege Dekretua indarrean sartu zenetik polizia judizial generiko dira, izatez. Bestela esateko, agintaritzako agenteak dira, ingurune alorreko legeria aplikatu eta betearazteari dagokienez, eta alor horretako delituen ikerketei ekiteko eskumena dute. Operazio-zentroaren koordinazioan, goiz asko hasten da lanaldia.

  
Ruben García Blázquez

Ehiza-lekuak eta uren egoera ikuskatzea

Agenteek jarduera bertatik bertara garatzen dute: beraiek dira ehiza eta arrantza-debekualdiak errespeta daitezen zaintzen dutenak, ehizaldietan agintaritza daukatenak, legez kanpoko ustiakuntza gerta daitekeen eskualdeetan erreketako uren egoeraz informazio zehatza ematen dutenak.

  
Ruben García Blázquez

Inausketen kontrola

Basoen aprobetxamendua legeak arautua dago. Hektarea bakoitzeko zenbat arbola bota daitezkeen, kontzesioek eta arauek mugatzen dute. Hitzarmenak itundu diren baldintzetan bete daitezen zaintzen du agenteak. Zuhaitz-ebaketa amaitutakoan, tratamendua (baso-garbiketa) aplikatu behar den zona agenteak adieraziko du.

  
Ruben García Blázquez

Mugen azterketa

Jabetza publiko zein pribatuen mugak lursailen jabetza-eskriturekin bat etorri behar dute. Hesolek, sarexkek langa eta zuhaitzek landa mugatu egiten dute. Agenteak egiaztatu behar du GPS txikiak adierazten duen errealitatea mapa ofizialarekin bat datorrela eta zedarriak horixe errespetatzen duela.

  
Ruben García Blázquez

Bidezidorrak berriztatzea

Meteorologiak eta piztiek bideen marken higidura areagotzen dute. Mendiko eta basoko pistetatik barrena geroz eta txangozale gehiago dabiltza. Bideen egoera onak erraztuko du naturazaleak mendian jardunaldi ederrez gozatzea. Bideen ikuskaritza ere agenteen eginkizuna denez, beraiek jakinarazi beharko diete arduradunei egiteko lan horien berri.

  
Ruben García Blázquez

Hodeiertzera so

Basoko sutea da mendiaren mehatxu behinena. 2007 urtean Espainian 28.000 hektarea erre dira horrelakoetan. Talai moduan antolatutako etxoletatik hodeiertzera begira egon ohi dira. Uda partean, postu denetan daude eskualdeko basozainak koordinatutako begiraleak. Urte osoan zehar, kontrolpeko erreketak behar diren ordutegietan egiten direla egiaztatzen laguntzen dute.

  
Ruben García Blázquez

Agintea eta zerbitzua

Basozainei buruzko Europar Arauak xedatua duenez, horrelako bat izan behar da 5.000 hektareako. Lurralde zabal hori aspaldiko lanbide honetan diharduten profesionaletako bakoitzak berea balitz bezala ezagutu, balioztatu eta babesten du. Aukera duenean, inguruneaz eta bertako natur baliabideez gozatu nahi duenari eskaintzen dio.

  
Ruben García Blázquez

Interesgarriak izan daitezkeen beste erreportaje batzuk


Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto