Nabigatze-menua pasa eta edukietara joan

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Buletinak
    •  | Utzi  | Aukerak |
  • Aurreko portadak

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Gaurkotasuna eta aisia > Txostena

Λ

IRUDIETAN |: Ikastetxeko cateringa

Ikasturte honetan ehun milaka haurrek bazkalduko dute eskolako jantokian. Ikastegien %70ek zerbitzu hori catering enpresei kontratatzen die. Ikastetxeez kanpoko konpainiei aplikatzen zaizkien segurtasun neurri zorrotz-zorrotzek elikagaien manipulazioa higiene-praktika zuzenak ez ezik, ekipoak garbitu eta desinfektatzeko planak ere bermatzen dituzte. Prozesu osoari -hornitzaile, maneiatzaile eta kudeatzaileen lana barne- APPCC (espainieraz, "arrisku eta kontrol gune kritikoen azterketa" esakunearen akronimoa) kalitate sistema aplikatzen zaio. Elikagai guzti-guztiak, jaso direnetik kanpo-sukaldeetan zerbitzatu arte, aurreraka doa atzera behin ere egin gabe. Horrela, elikagai gordinak eta gisatutakoak nahastea edo elikagaiek tresneria zikina ukitzea saihesten da.

  
Ruben García Blázquez

Lehengaien harrera

Produktuei sukaldera iristean kalitate kontrola egiten zaie, lau parametroren arabera: lehengaiaren itxura, iraungitze-data egokia, bilgarrien inspekzioa eta garraio eta harrerako tenperatura.

  
Ruben García Blázquez

Lehengaia metatzea

Produktuak hainbat biltegi, hozkailu eta izozkailutan metatzen dira, beren izaeraren (landarezkoak, haragia, arraina, esnekiak, fruta) eta kontserbatzeko tenperatura egokiaren arabera: parametro hau, izan ere, egunero-egunero kontrolatu eta apuntatzen da. Produktuak ate batetik sartzen dira eta bestetik irteten dira. Sarrerako adostasuna hartzen duen guztiak ezarritako bidetik segituko du (trazabilitatea). Sartutako gauza bakar batez ere ez du atzera egingo. Erabili egingo da edo, bestela, ibilbidearen amaieran baztertu egingo da.

  
Ruben García Blázquez

Gordineko sukaldea

Elikagaiak ez dira behin ere gurutzatzen. Gordinik edo hotz zerbitzatuko diren entsaladak eta bestelako produktu zenbait berariazko sukaldean prestatzen dira, 8º C baino tenperatura hotzagoan. Elikagai horiek prest daudela, prezintatu eta berariazko korridorean barrena eroango dira banaketa-gelara.

  
Ruben García Blázquez

Errezeta beroak

Gerora egosi, frijitu edo erreko den elikagaiak bere zentroan 65º C baino tenperatura handiagoa hartu behar du. Bero horrek balizko bakterio patogenoen suntsipena bermatzen du. Hainbat zonatan banatua dago sukaldea: labeak, frijigailuak, saltsa-galdara eta sutondoak.

  
Ruben García Blázquez
  
Ruben García Blázquez

Ontziratzea

Araua betetzeko, otordu osoaren lagin bat zorro esteriletan sartu eta izozkailuan edukiko da hiru egunez. Helburua argi dago: janari hori kontserbatzea, elikadura bidezko toxiinfekziorik gertatzekotan, azterketa egin behar izatea gerta bailiteke.

  
Ruben García Blázquez

Igortzekoa, prest

Elikagaiak erretilu metalikoetan ontziratu eta prezintatuz gero, termo eta maleta isotermiko hermetikoetan sartuko dira. Horri esker, sukaldean erdietsitako 65º C-ko tenperaturari eutsiko zaio eta, bestetik, gordinik edo hotz zerbitzatuko diren elikagaiak kontserbatzeko 8º C hori ere mantenduko da.

  
Ruben García Blázquez

Garraioa

Otordua osatzeko ogia eta postreak, esnekiak edo frutak berariazko gelan daude, katearen amaieran, kamioian sartzeko atetik gertu. Egokituriko ibilgailuak eguneko janaria eskolako jantokira ahalik eta lasterren (tenperatura-aldaketarik ez gertatzeko) eramango du.

  
Ruben García Blázquez

Ikastetxera iristea

Janaria ikastegiko instalazioetan antolatzen denean, ikuspen-kontrola eta tenperatura-azterketa egiten zaizkio: parametro horiek jeneroaren onarpena eta osoko kalitatea determinatuko dituzte. Pertsona arduradunak sinatu duen agiriak sarrera egiaztatu du. Jantokietan zerbitzua amaitu denean, banatzaileek ikastegietako termoak jaso eta ikuzketa-tunelean sartuko dituzte, 80º C-ko tenperaturan behar diren produktuekin, erabat desinfektaturik ateratzeko.

  
Ruben García Blázquez

Janarian

Otordua osatzeak orain berebiziko garrantzia du. Aspaldi, ordea, eskolaumeen elikabidea moldatzeko orduan errezeta erakargarriak diseinatzen ziren baina, hori bai, nutrizio eta osasun kontzeptuetara bat ere hurreratu gabe. Zorroko patata frijitu industrialak eta elikagai frijitu gehiegi ere ematen ziren, tarteka. Egun, aldiz, otorduak osasunarekin eta elikatze-heziketarekin loturiko baldintzak bete behar dituzte. Horrek, aurretiaz, elikagai horiek irenstea zaildu egiten badu ere (baliteke haurrak pizzari baino lehenago, berdurari muzin egitea) baina, inondik ere, osasuntsuagoak dira gaurkoak. Premia berezietara (arrainaren aurkako alergia, glutena ez toleratzea, diabetesa, etc.) egokituriko otorduak aintzat hartu eta diseinatze kontuetan ere aurrera egin da, dudarik gabe.

  
Ruben García Blázquez

Interesgarriak izan daitezkeen beste erreportaje batzuk


Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto