Hiri-turismoa: froga praktikoa Espainiako 18 hiritan: Hiriek ez dituzte oso kontuan hartzen bertara bisitari doazkien turistak

Turistarentzako hiri eredugarria

Turistarentzako hiri eredugarriak bere premiak betetzen ditu, goizean irten denetik etxera itzuli arte. Horretarako, hurrengo zerbitzuak eman behar ditu:

• Informazioa: bidaiari asko irteerak prestatzeko garaian teknologia berriez baliatzen direnez, oso-oso garrantzitsua da hiriak sarearen bitartez informazio baliagarria eskaintzea: lojamenduak, bisitatu beharreko tokiak, aisialdiko alderdiak... Are eta garrantzi handiagokoak dira turismo bulegoak, hauek eskainiko duten zerbitzu baliagarrian denetik sartu behar baita: interes turistikodun guneak, lo egiteko aterpe eta ostatuak, kultura eta aisialdiko eskaintza eta era guztietako aholkuak.
• Konexioak: konexio onak izan behar ditu hiriak. Autobus eta tren geltoki, aireportu eta portuak dira turista askoren sarrera-guneak: hortxe bilatuko dute hasiera-hasierako informazioa helmuga horretaz. Horregatik dira biziki baliagarriak bertako informazio-guneak.
• Hiri garraioa: hiri turistikoak garraiobide ona eskaini behar du (autobusak, metroa, tranbea, taxia...).
• Lojamendua: kalitate guztietako lojamendu-eskaintza zabala agertu behar du hiriak.
• Garraiobide turistiko eta bisita gidatuak: turista batzuek hiria bere kasa zeharkatzea nahiago badute ere, beste batzuek informazio zabala emango dien gida turistiko baten eskutik tokietan barrena ibiltzea dute gustuko.
• Eskaintza gastronomikoa, ludikoa eta kulturala: hiri-turismoaren gakoa. Hiria erakargarria izango da baldin eta museoak, zaharberrituriko hirigune historikoak, monumentuak, kultura-guneak, antzokiak eta antzekoak baditu eta, horren gainera, jatetxe, taberna eta kafetegien aukera zabala erakusten badu.
• Trafiko atsegina: autoa da turistak baliatzen duen beste garraiobideetako bat. Horregatik, hiriak puntu asko irabaziko ditu trafiko arina badu, auto-pilaketa eta geldialdirik gabe.
• Seinaleztapena: funtsezkoa da turista ez galtzea; beraz, gune interesgarriak adierazten dituzten seinaleak (behar adinakoak, egoera onean eta ikusgaiak) agertu behar ditu hiriak.
• Helmuga turistiko segurua: kaleko segurtasuna funtsezkoa da, bidaiaria lasai eta eroso senti dadin.
• Hiri garbi eta jasangarria: hotsak, kutsadura, zikinkeria? ez ditu gustukoak turistak.

KONPARAKETAKO TAULA

(1). Seinaleztapena: hiri bakoitzean interes turistikodun helmuga behinenak kokatzeko eta hori horretan barrena ibiltzeko erraztasuna neurtu dira. Era berean, hirian dagoen seinaleztapen (hotelak, turismo bulegoak, geltokiak, ospitaleak, etc.) kopurua eta kontserbazio egoera ere aintzat hartu dira.

(2). Turismo bulegoa: bisita bakarra eginik, emaniko arreta, informazioaren bolumen, kalitate eta zehaztasuna, eta turistaren zaletasunen aurrean turismo bulego bakoitzean erakutsitako interesa balioztatu dira. Era berean, bulego horiek ezinduentzat egokituak dauden, garbitasun eta kontserbazio egoera, jendea hartzeko ordutegiak, jendea artatzeko behar bezainbesteko pertsonala bazen ere aintzat hartu dira. Hitz batez, bulegotik irtetean, turistak bisitatu nahi duen hiriaz informazio baliagarri eta zehatza lortzeko sentsazioa ba ote duen aztertu da.

(3). Bisita gidatua / bus turistikoa: ibilbideak eskainitakoaren araberakoak diren eta aurreikusitako orduan hasten diren, gida eta gidariak profesionalak diren, informazioa zein hizkuntzatan (eta idatziz ere) ematen den, azalpenak zehaztasun handiz ematen diren eta antzekoak aztertu dira. Horrez gainera, bi zerbitzu horiei dagokienez, hiri bakoitzean dauden aukerak, prezioak eta deskontuak ere balioztatu dira.

(4).Garraiobide geltokiak: hiri bakoitzeko autobus eta tren geltokien garbitasun, eskuragarritasun eta kontserbazio-egoera balioztatu dira. Horrez gainera, horietan bidaiariari nolabaiteko informazio turistikoa eskaintzen eta ematen zaion, turismo bulegoez hornituak dauden (eta hauek larunbatean ere zabalik dauden), hiriaz eta bertako toki, eraikin, monumentu eta antzeko enblematikoen argazkiak, irudiak edo azalpenak badiren aztertu da eta, era berean, bestelako turismo informazio-sistemarik (ordenagailuak, SMS bidezko mezuak, bluetooh, etab.) ba ote den ere bilatu da.

* Bisita gidatu edo autobus turistikoen zerbitzuak ez dira baloratu, hiri batzuek ez dutelako horrelakorik edo, bestela, azterketa egin denean, zerbitzu hori ez zebilelako.

Prezioak eurotan.

(1). Valentzia: udal turismo bulegoan mp3 bidezko audio-gidak ere alokatzen dira (10 euro egun erdirako eta 15 egun osorako).

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du