Nabigatze-menua pasa eta edukietara joan

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Buletinak
    •  | Utzi  | Aukerak |
  • Aurreko portadak

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Praktikoena > Lege-aholkularitza

Λ

Zure afera revista.consumer.es aldizkarian konpon dezagun nahi baduzu, jar zaitez gurekin harremanetan. Bistan denez, aldizkari honetatik interesgarrien jotzen ditugun kontsultak bakarrik argitaratuko ditugu

Ezbeharraren ondorioz, bidaiaren baliogabetzea atzeratu

Sei eguneko bidaia kontratatu genuen: hotelean mantenu osoa, joan-etorriko bidaia autobusean eta hainbat txango, bi matrimoniorentzat. Bidaia osoa ordaindu baina, irten baino lau egun lehenago, ene senarra erori eta asmoa bertan behera utzi behar izan genuen. Bidaia indargabetzeko agentziara deitu nuenean ez zen inor eta hurrengo egunetan, Aste Santuko jaiegunak zirenez, inork ez zidan artapenik egin. Hotelera deitu nuen orduan, baina emaitzarik ez nuen lortu. Irteera-egunera arte ez nuen bidaia indargabetzea erdietsi. Orain dirua ez digute itzuli nahi, indargabetzea berantegi iritsi zela argudiatuz. Ordaindutakoaren parte bat, bederen, itzul dakigun eskubiderik ez ote dugu?

  Bidaia indargabetzeko atzerapen hori bezeroa artatzeko telefonozko zerbitzu eskasei egotz dakieke: hori, hein batean, behintzat, egiaztatu egin dezakezue, hotelera egin dituzuen deiak -eta nozitu behar izan dituzuen itxaronaldi luzeak- jasotzen dituen telefono-faktura aurkeztuz. Irteera izan baino hiru egun lehenago bidaia konbinatua indargabetzen denean -horrela gertatu beharko zen, zuek eginiko gestioak antzu gertatu ez balira-, zuk ordaindutako prezioa itzuli behar dizu bidai agentziak, zehapen gisa, munta horren %15 eta, halakorik balego, gestio- eta indargabetze-gastuak deskontaturik.

Oraingoan azaldutako kasuan, berriz, kontratuaren indargabetze horren kausa bezero baten erorikoa izan da, halabeharrezkoa, alegia. Bidaia konbinatuak arautzen dituen uztailaren 6ko 21/1995 Legeak dioenez, erabiltzaile edo kontsumitzaileak noiznahi egin ahalko die uko eskatu edo kontratatu dituen zerbitzuei, ordaindua duen dirua itzul dakion eskubidea galdu gabe; halaz ere, antolatzaileari edo saltzaileari indemnizazio jakin bat eman beharko dio, indargabetze horren kausa halabeharrezkoa izan ez denean.

Gure kasuan matrimonio bakoitzak berariazko kontratua duenez, batari eta besteari zor zaizkion eskubideak ere desberdinak dira. Halabeharrez indargabeturiko kontratuari dagokionean, ordaindu zenuen diru-kopuru osoa itzuli behar dizute. Horretarako, agentziari halabeharraren izaera egiaztatu behar diozue, txosten medikoen kopia aurkeztuz eta telefono-fakturen kopia entregatuz. Beste matrimonioari dagokiola, berriz, kontua konplexuagoa izan daiteke, ahaidetasunezko loturarik ez baitu zuekin; hortaz, halabeharra ez litzateke aplikagarria izango haien kontratua indargabetzean. Hor komeniko litzateke dirua -%15 gehi gestio eta indargabetze gastuak kendu ondoren- itzul dakizuen eskatzea, atzerapen hori bezeroa artatzeko telefonozko zerbitzu eskasengatik gertatu dela argudiatuz. Arazoa sor liteke, deiak beraiek ez dituztelako egin. Horregatik, hoberena da kalteturiko bezeroak OMIC batera jotzea, bertan maiorista eta minoristaren aurkako azken erreklamazioa jartzera. Ezezkoa ematen bazaio, abokatuarengana joan daiteke, kasua epaitegietara eramateko. Erreklamazioaren munta 900 euro baino txikiagoa balitz ez luke abokatuaren premiarik izango baina, hori bai, lege-alorreko aholkularitza jaso beharko luke, eskakizuna planteatzeko eta ahozko epaiketaren tramiteen berri izateko.



Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto