Bidaiak. Maletak galtzea

Ekipajea galtzearren emaniko diru-kopurua ez zaio aski iruditu

  Kanadatik Madrila (Espainia) zihoan bidaiariak aire-konpainiaren aurrean erreklamazioa aurkeztu zuen, bere maletak galdu zituztelako. Handik 36 ordutara ekipajea eta indemnizazio bat (atzerapen kasuetan, Nazioarteko Hitzarmenak aplikatzearen ondoriozkoa) entregatu zizkioten. Erabiltzaileak urriegitzat jo zuen eta, epaiketan, jasaniko kalte morala erreklamatu zuen. Madrilgo Lurralde Entzutegiko Hamalaugarren sekzioak, berriz, 2005eko urriaren 14an, bidaiariaren aurkako epaia eman zuen.

Entzutegiak argudiatu zuenez, arauek ez dute xedatzen ekipajea entregatzean gerta daitekeen zeinahi atzerapenek -ñimiñoenak berak ere, hortaz- garraiolariaren erantzukizuna sortarazten duela; alderantziz, arauen helburua erantzukizun hori mugatzea da. Ekipajearen entregan atzeratzea larria izan daiteke, baldin eta kalteturikoak nolabaiteko etiketaz janztea agintzen duen ospakizunen batera joan behar duenean, adibidez, edo ohiko bizitokia ez den herrialde edo hiri batera doalarik, ekipajearen galera horrek arropa gutxiarekin bizitzera behartzen badu. Horrelakorik ez da gertatzen, ordea, bidaiaria bere helbidera doanean.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du