Zakurrak autopistarako sarreran istripua gertarazi

Oraindik orain trafiko ezbeharra nozitu dut. Autopistan sartzeko 50 metro baizik falta ez zirela, zakurrak zeharkatu du bidea eta nik, motorrean nindoala, istripua izan nuen. Mossos d?Esquadra poliziek ezbeharrari buruzko txostena egin eta zakurrak identifikazio-txipik ez zeukala (beraz nagusi gabea zela) egiaztatu zuten. Kalte-galerak autopistaren kontzesionarioari eska ahal diezazkioket sarrerak behar bezala ez zaintzearren?

  Eraginiko pertsonak, jasaniko kalte-galerengatiko erreklamazio fede-emailea aurkeztu ahal izango dio autopistaren kontzesionarioari burofax ziurtatua igorriz baina, dena dela, abokatu batengana jotzea komeni dakioke. Epaitegiek gehienetan, gorabeheren eta oztopoaren nolakotasunen arabera, horrelako enpresak kalteturiko pertsonei indemnizazioak ordaintzera kondenatzen dituzte, autopistetan gauzak edo animaliak traban daudenean. Horretarako baliatzen duten funtsa, bidea, sarbideak, seinaleak eta zerbitzuak baliatzeko baldintza hoberenetan kontserbatzeko (beraz, arrisku, eragozpen edo deserosotasunik sorraraz lezaketen kausak suntsituz) legeak ezartzen dien obligazioa da.

Ezbeharra sarbidean gertatu zenez, Sevillako Lurralde Entzutegiak 2003ko ekainaren 18an eman zuen sententzia ezagutzea interesatuko zaizu, agian. Bertan adierazten denez, autopista segurtasun-baldintza onetan kontserbatu eta zaintzeak ez du bakarrik esan nahi autopista horretako zirkulazio azkarreko bideak zaindu behar direnik, ezta bideak ixten dituzten sareak egoera onean mantendu behar direnik ere, bertara animalia edo pertsonarik sar ez dadin, ezta goitiko pasabideetatik edo itxituren gainetik autopistara eroriko ziren gauza guztiak jaso behar direnik ere; obligazio hori, Bidesariko Autopisten Legeak xedatua duen modura, bertarako sarbideak zaintzea ere kontzesionarioaren ardurapekoa da.

Bestetik, ematen den zerbitzuaren azken jasotzailea autopistaren erabiltzailea da eta, hortaz, kontzesionarioa Kontsumitzaile eta Erabiltzaileak Defendatzeko Lege Orokorreko 25 eta 26 artikuluek xedatutako erantzukizunaz arduratu behar da; artikulu horiek diotenez, erabiltzaileak autopista behar ez bezala edo axolagabekeriaz baliatu duela eta enpresak, aldiz, arauzko betebehar guztiak bete dituela frogatzea enpresari dagokio.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du