Nabigatze-menua pasa eta edukietara joan

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Buletinak
    •  | Utzi  | Aukerak |
  • Aurreko portadak

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Praktikoena > Lege-aholkularitza

Λ

Zure afera revista.consumer.es aldizkarian konpon dezagun nahi baduzu, jar zaitez gurekin harremanetan. Bistan denez, aldizkari honetatik interesgarrien jotzen ditugun kontsultak bakarrik argitaratuko ditugu

Herentziak ere, mugatuak

Ezkonduta nago eta ez dut seme-alabarik, bai ordea gurasoak. Honelakoetan, Espainiako Kode Zibilaren arabera, herentziaren herena aita-amarentzat litzateke eta ene senarrak nire ondasunen erdiaren usufruktuaz baliatzeko eskubidea izango luke. Hona ene galderak: testamentu bidez, senarrak ene ondasun guztiak hereda ditzan ebatz ahal dezaket? Hori ezinezkoa izatekotan, testamendu bidez, senarrak usufruktuaren erdia baino gehiago hereda dezan ebatz ahal dezaket? Zein litzateke gehienekoa? Ene ondasun bakarra etxebizitza balitz, nola bana liteke?

 Testamentua idaztean, gurasoak bai baina seme-alabarik ez duen pertsona ezkonduak, Espainiako Kode Zibilaren (lurralde komuneko herritarrak, eskubide berezi edo foru eskubiderik ez duenak) peko izaki, legea bete behar du. Kasu honetan bezala, nahitaezko herederoak dituena Kode Zibil horrek agindutakoaren menpeko da eta, horrenbestez, ezin ebatz dezake senarrak bere ondasun guztiak heredatzea. Muga horiek "legitima" izenekoetan dautza: ondasun-zati horien gainean pertsonak ez du ahalmenik testamentuan nahi erara banatzeko, Legeak heredero jakin batzuen eskuetan utziak dituelako berariaz.

Kode Zibilaren arautze arruntaren peko diren seme-alabarik gabeko pertsona ezkondu arbasodunek, testamentua egitean, arbasoen "legitima" errespetatu behar dute. Zati hori, seme-alaben ondasunen erdia da; arbaso bakarra denean, berriz, herentzia osoaren herena izango da. Bigarren, alargun den ezkontidearen eskubideak daude: horrek herentziaren erdiaren usufruktua egiteko eskubidea du, gutxienez.

Hortik aurrerakoan, egungo gorabeherei aplikatu beharreko "legitima" horiek errespetatuz, testamentu bidez gurasoei bere ondasunen herena utz diezaieke eta senarrari, berriz, beste bi herenen usufruktua ez ezik, jabetza ere bai. Beraz, usufruktuaren erdia baino gehiago senarrari utz diezaiokezu: bi herenak, gehienez ere, jabetza osoan. Gurasoak edo arbasoak hiltzen badira bakarrik hereda dezake senarrak zure ondasun guztiak.

Etxebizitzari dagokionez, jabetzakoa bada eta irabazpidezko ondasuna ez bada, arbasoak eta senarra jabekide bihurtuko lirateke, herentzian parte hartzen duten proportzio berean. Zure kasuan, adibidez, herena zure gurasoen jabetzakoa litzateke eta beste bi herenak, senarrarenak. Egoera hori liskar-iturri izan litekeelakoan bazaude, eskatu aholkularitza notaritzan bertan edo kontsulta ezazu abokatuarekin.



Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto