Nabigatze-menua pasa eta edukietara joan

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Buletinak
    •  | Utzi  | Aukerak |
  • Aurreko portadak

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Praktikoena > Lege-aholkularitza

Λ

Zure afera revista.consumer.es aldizkarian konpon dezagun nahi baduzu, jar zaitez gurekin harremanetan. Bistan denez, aldizkari honetatik interesgarrien jotzen ditugun kontsultak bakarrik argitaratuko ditugu

Hitzarturiko etxebizitza ez du eraiki sustatzaileak

Etxebizitza erosteko erreserba-kontratua sinatu eta 3.000 euroko seinalea entregatu genion etxegileari. Handik urtebetera jaso genuen posta-ziurtapen gabeko eskutitzean sustatzaileak iragartzen duen etxebizitzak ez zituela egingo, beren bulegora joan gintezen, geure dirua berreskuratzeko. Horren ordez, Udalera eta Jabetza Erregistrora jo genuen. Bertan ikusi ahal izan genuenez, arazo bakarra martxa burokratiko geldoa baizik ez zen. Hala eta guztiz, geroztik ez dugu konpainia horren berririk izan, etxeak etengabe eta nonahi eraikitzen ari den enpresa izan arren. Kontratuko letra txikian adierazten denez, ituna guk birplanteatzen badugu, entregaturiko seinalea galdutzat ematen dugu eta besteek, berriz, ezin dutela atzera egin, non eta etxegileari egotz dakizkiokeen arrazoiengatik ez den. Zer egin dezakegu?

 Kontratuko hizki txikiko klausula gehiegizkoa da, bi alderdientzat baldintza berdinetan zigorra zehazten ez duen aldetik. Saltzailea aipatu gabe, eroslea bakarrik zigortzen duen kontratu-obligazioak urratzeagatiko klausula penal bakarra jasotzen da hor. Gehiegizkoa izateak baliogabe bihurtzen du eta, salerosketa-erreserba edo promes-kontratua denez, Espainiako Kode Zibileko 1451 artikulua aplikatuko litzateke kasu honetan. Testu horrek, dokumentuan agertzen diren bi alderdiei kontratua bete dadin exijitzeko eskubidea aitortzen die, hots, salerosketako kontratua egin eta etxea eraiki dadin. Artikulu horren arabera, saltzeko hitza betetzerik ez dagoenean, obligazioak urratzeari buruzko arau zibil orokorrak eta Kode Zibileko 1101 artikulua aplikatzen dira; azken testu honek, obligazioak betetzen ez dituenari eraginiko kalte eta galerak ordainarazten dizkio.

Sustatzaileak bere aldetik eta inongo kausa justifikaturik azaldu gabe kontratua bertan behera utzi duenez, kaltetutakoak beste alderdiari (ziurtaturiko buro-faxen bidez, bertara joanda edo, bestela OMIC edo abokatuaren bitartez) kontratua bete dadin eska diezaion aholkatzen dugu hemendik, era horretan kaltetutakoari sustatzaileak berak aurkez diezazkion etxeak egiteko dituen zailtasun eta eragozpenak eta, bide batez, eraikuntza egitea eragozten dioten kausak behar bezala zuri ditzan. Azkenean, ados egotearren edo erosoago gertatzearren, kontratua idatziz indargabetu egin ahal izango du eta egintza horretan itzuliko zaio hasieran eman zuen diru-kopurua. Dena den, eska ezazu kalte-ordainengatiko indemnizazioa eman dakizun. Adostasunera iritsi ezean, lege-egintzetara jo dezakezu gerora ere.



Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto