Eraikin bateko gabeziak konpontzea sustatzaileak ordaindu beharko

 Jabekideen komunitateak bere eraikinaren teilatu, fatxada eta zoruetan akatsak hauteman zituenez sustatzaileari horiek konpon zitzan eskatu zien. Sustatzaileak lanak egiteari uko eginik, auzitara jo zuten. Perituen txostenen bidez akats larriak aintzat hartuta, demandaturiko eragile guztiak kondenatuak gertatu zirenez, konpontze lanetan gastatu ziren diru-kopuruak jabekideei denen artean ordaindu behar izan zizkieten. Demandatuek Espainiako Epaitegi Gorenera jo zuten eta honek ere, 2005eko urriaren 10eko epaian, jabekideei eman zien arrazoia; izan ere, sistema espainiarrean indemnizatzeko kondenaren gainetik konpontzeko kondena dagoen arren, arau orokor horrek ez du galarazten, egoera jakin batzuetan, eraikinean gaizki egina zegoena konpontzeko lanak jabekideek beraiek egitea edo beste norbaiti egin zitzan agintzea eta, ondoren, ordaindutakoa itzul zekien eskatzea. Demandatuek beren erantzukizuna bereganatzeari uko egiteak eta eraikuntzako akatsen ondoriozko deserosotasunean ez bizitzeko jabekideek agertu zuten legezko interesak justifikatu zuten, akatsak konpondutakoan, lan horien kostua jabekideek eragileei erreklamatzea.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du