Udal kirol instalazioak: Hiri batzuek besteek baino askozaz ere inbertsio eta sustapen gehiago egiten dute kirol alorrean

Zenbat kostatzen da kirola praktikatzea?

  Tarifa, abonu eta prezioen kostua biziki aldatzen da, hainbat faktorek agindu edo baldintzaturik: erabiltzailearen adina (haurra, gaztetxoa, heldua, 60 urtetik gorakoa, pentsioduna&), kiroldegia duen herrian erabiltzailea erroldatua dagoen, elkarteren bateko kide izatea, udal agiri edo txartelik edukitzea, etc.

Esate baterako, joan den 2005 urtean 18 urtetik gorakoentzat denboraldiko abonuaren prezioa 78 euro zen Gasteizen eta 98 euro Bilbon; Oviedon, berriz, prestazio horiengatik ia 50 euro gehiago ordaindu behar zen. Beste hainbat hiritan (Granada eta Alacanten), aldiz, abonua hilekoa zen: 25 euro ordaindu behar ziren, zerbitzu guztiak eskuragarri izaki. Malaga, Kordoba, Iruñea eta Valladoliden antzeko tarifak aplikatu ziren: 30 edo 35 euro hilean, instalazio guztiak erabilgarri izatearren.

Hiri askotan ematen diote aukera familia osoari hileko edo urte osoko abonua hartzeko (Cadiz eta Kordoban bakarrik ez daude horrelakoak). Gasteiz, Iruñea eta Murtzian, ohiko tarifarekiko, %80erainoko deskontuak aplikatzen dira, senide kopuruaren arabera. A Coruñan famili abonuaren prezioa, hileko, 23 euro da; Valentzia, Oviedo eta Granadan 35 euro inguru ordaintzen ditu familiak; Valladoliden, 43 euro eta Bartzelonako udal kirol instalazio batetik bestera alde handiak hautematen dira: 32 eurotik 60 eurora arte, abonu berberagatik. Familientzako denboraldiko (bederatzi hilabetekoa, eskuarki) abonuez ari garela, merkeenak Bilboko tarifak dira (famili osoarentzakoa 2005 urtean 142 euro inguru zebilen, hots, 16 euro baino ez hilean) Zaragozakoen aurretik (100 euro inguru, denboraldiko).

Amaitzeko, 60 edo 65 urtetik gorako pentsiodunei ere deskontu handiak egiten zaizkie. Zaragozako igerilekuetan, hilean 11 euro inguru ordaintzen dute eta Oviedo, berriz, 20 euro. A Coruña, Granada, Iruñea eta Valentziako zaharrek tarifa berdinak dituzte: hilean 18 euro inguru 2005 urtean; Gasteiz, Bilbo, Donostia eta Kordoban kolektibo horri, tarifa normalarekiko, %70erainoko deskontuak aplikatzen zaizkio.

KONPARAKETAKO TAULA

(*) 144 udal kirol instalazio bisitatu ziren: 20 Madril eta Bartzelonan, 10 Sevilla, Valentzia eta Zaragozan, 7 Bilbo, Málaga eta Murtzian, 6 Alacant, Kordoba eta Valladoliden eta 5 A Coruña, Cádiz, Granada, Iruñea, Gasteiz, Oviedo eta Donostian.

(1) Instalazio bakoitzean zegoen informazio kantitatea (jendaurrean jarri eta erabiltzaileari emanikoa), kartel eta seinale adierazleen egoera, etc. Esparru bakoitzeko zerbitzuen aniztasun eta kalitatea ere hartu dira aintzat.

(2) Aldagela, komun, dutxa, igerileku, kafetegi, taberna edo jatetxe eta gainerakoen mantentze, kontserbatze egoera eta garbitasuna. Era berean, kirol ekipamenduen (saskiak, langak, sareak, etc.), kontserbatze egoera, zoru eta azaleren mantentze egoera, etc baloratu da.

(3) Instalazioetara sartzeko zailtasun edo erraztasun gradua, bai kanpo aldetik barrura, bai barruko dependentzietara ere; iristea bideratzen duen igogailu edo arrapalarik ba ote dagoen, ezinduentzako berariazko aparkalekuak, igerilekuetan berariazko garabiak, etc.

(4) Segurtasunari loturiko alderdiak, hala nola suteen kontrako elementuak (itzalgailuak, mangerak, ur-ihinztagailuak, etc.), larrialditarako ateak, argiak, irteerak, instalazioetako argiteria, lurzoru labaingarririk ba ote den, arriskutsu izan litezkeen elementuen presentzia, etc.

(5) Hautemaniko aldaki guztien batez besteko azken nota.

Iturria: Udalak, datu ofizialak.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du