Nabigatze-menua pasa eta edukietara joan

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Buletinak
    •  | Utzi  | Aukerak |
  • Aurreko portadak

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Praktikoena > Lege-aholkularitza

Λ

Zure afera revista.consumer.es aldizkarian konpon dezagun nahi baduzu, jar zaitez gurekin harremanetan. Bistan denez, aldizkari honetatik interesgarrien jotzen ditugun kontsultak bakarrik argitaratuko ditugu

Ordaintze arazoek esku-telefonoen mugikortasuna eragotzi

Bi telefono mugikor ditut operatzaile berberean. Banketxearekin izaniko arazoen ondorioz, telefono horietako baten ordainagiria itzuli da eta terminal horren linea moztu didate, aurretiaz jakinarazi gabe. Jakinarazpenik ez ematearren, hain zuzen, kontratu-urraketa egingo zutelakoan nago. Horregatik, konpainiaz aldatu eta bi zenbakien mugikortasuna eskatu nahi nuke, baina kontratuetako batean irauteko konpromisoa sinatu nuen (aurki amaituko dena), terminala puntuka eskuratzeko. Haiek beren kontratua hautsi dutelarik, nik neurea urratzean arazorik izan ahal nezake?

  Telefonia mugikorreko zenbakien mugikortasuna operatzaile berrian alta eskatuz egin lor daiteke: konpainia honek eskatuko dio aurreko enpresari kontratua baliogabetzea edo bezeroari baja ematea eta hark, bere aldetik, zenbakiak mantentzeko aukera eman beharko dio bezeroari. Baliteke, ordea, aurreko operatzaileak mugikortasuna emateari uko egitea, zerbitzua ez ordaintzearren etenik baldin badago zerbitzua. Horrenbestez, seguruenik telefono mugikorraren zenbakiaren mugikortasunari uko egingo diote, harik eta zorretan dagoen kopurua ordaindu arte. Ez ordaintzearren zerbitzua eteteko aurretiazko ohartarazpena eta legezko bermeak telefonia finkoari bakarrik aplikatzen zaizkionez, telefonia mugikorreko operatzaileak kontratua urratu duela egiaztatu ahal izateko, kontratua eta bertan aurreikusiriko klausulak irakurri beharko dira. Akatsa banketxearena izan baldin bada, erreklamazioa zeure bankuari eta Bezeroaren Arreta Zerbitzuari aurkeztu beharko diezu, banketxearen axolagabekeriak eragin diezazkizukeen kalteengatiko ordainak erreklamatuz.

Konpainian irauteko konpromisoari dagokionez, oraindik zerbitzuan dabilen mugikorrean exijitzen baldin bada, zenbaki horren mugikortasuna eska daitekeen arren, lehenago kontratua irakurri behar da, gehienetan zigorren bat agertzen delako horrelakoetan, eta zigor hori onartu beharra dago.

Bestetik, zenbakia eraman nahi baduzu eta terminala blokeatua badago, beste operatzaile batek erabili ahal izan dezan liberatu egin behar da, terminalaren erosketa egitean sinatu zenituen kontratazio-baldintza orokorretan horrela onartua baduzu. Terminala desblokeatzeko, berriz, konpainia bakoitzak bere sistema duenez, aparatua erostean sinatu zenituen kontratazio-baldintza orokorrak aintzat izanik, informazioa jaso beharko duzu zeure operatzailean eta, premia izanez gero, Kontsumitzailea Informatzeko Udal Bulegoan (KIUB) edo kontsumitzaileen elkarte batean. Telekomunikazioen Merkaturako Batzordeak bi aukera daudela dio: konpromisoan harturiko irauteko epe hori agortu arte itxarotea edo, bestela, telefono mugikorraren kontratazio baldintzetan ezarritako diru-kopuruak ordaintzea.



Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto