Nabigatze-menua pasa eta edukietara joan

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Buletinak
    •  | Utzi  | Aukerak |
  • Aurreko portadak

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Praktikoena > Lege-aholkularitza

Λ

Zure afera revista.consumer.es aldizkarian konpon dezagun nahi baduzu, jar zaitez gurekin harremanetan. Bistan denez, aldizkari honetatik interesgarrien jotzen ditugun kontsultak bakarrik argitaratuko ditugu

ADSL enpresak kobratzen segitu nahi, zerbitzuari baja emanik ere

2004 urtean alta eman nuen ADSL-ko probako produktu batean. Handik bost hilabetera mezu elektroniko bat bidali nuen, baja eman ziezadaten eskatuz. Erantzun egin zidaten, 902 hasierako telefono batera dei nezan, baina nik hori ez nuen beharrezkotzat jo. Konpainiak fakturak segitu zuenez, handik bi hilabetera telefonoz deitu nuen eta orduan azaldu zidaten posta elektronikoa ez zela baliodun baja emateko eta, hortaz, automatikoki beste ADSL zerbitzu batera pasa nindutela, garestienera, hain zuzen. Baja emango zidaten baldin eta kontratua amaitu arte falta zitzaizkidan hilabeteak aurretiaz ordaintzen banuen. Bestetik, telefonistak jakinarazi zidanez, hizketa hori grabatzen ari ziren. Orain, abokatu konpainia batek ordaintzeko eskakizuna igorri dit. Zer egin dezaket?

  Erabiltzaileak kontratuko baldintzen arabera baja eskatu eta baja hori tramitatzen ez denean, konpainiak baldintzen urraketa egin du. Aurretiaz informatu gabe eta zuk baiezkoa eman gabe beste zerbitzu mota garestiago batera pasatzea ere gehiegikeria nabarmena da, kontratua baliogabe utziko lukeena. Erabiltzaileak, dena den, lehendabizi, datu batzuk egiaztatu behar ditu: nolako baldintzetan onartu zuen gutxieneko lotura-epea, epe hori amaituta baja ez ematearen ondorioak eta, baja tramitatzeko, kontratazioaren baldintza orokorretan eta berezietan xedaturiko motak edota baldintzak, hain zuzen.

Baja eskatzeko modua kontratuan agertzen dena izango da. Horri buruzko xehekapenik ez bada agertzen, egokiena idatziz egitea izaten da (fax, bureau-fax edo eskutitz egiaztatua, bere jasotze-jakinarazpen eta guzti). Eragindakoari konpainiak baja telefonoz egin zezan iradoki zionez, erabiltzaileak saiatu behintzat egin beharko zukeen.

Nolanahi ere, froga gisa, disko gogorrean mezua (bere data eta guzti) gorde behar da; bestetik, onarturiko eskaintza eta kontratuko informazioan, baja eman gabe hiru hilabete igarotakoan beste zerbitzu garestiago batera pasatze hori ere zehaztu den egiaztatu behar da. Honakoa zilegi ere izan liteke, baldin eta eskaintza eta kontratuko baldintzez informazio argi eta egiazkoa ematen bazaio interesatuari eta baja emateko sekulako ahaleginak eskatzen dituzten tramiteak betearazten ez baldin badira, gestio hori galarazi edo eragozteko asmoz. Kontsumitzaileak bere udaleko Kontsumitzailearen Artapen Zerbitzu Bulegora jo behar du, eskaintza eta kontratuari dagokion informazio guztiaren kopia hartuta. Konpainiaren egintza ez baldin badator bat eskaintza eta kontratuko baldintzekin, edo baldintza horiek ulergaitzak edo fede onaren eta kontraprestazioen orekaren kontrakoak balira, kontsumo-arbitraiara edo abokatu batengana jotzeko aukera dago.



Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto