Nabigatze-menua pasa eta edukietara joan

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Buletinak
    •  | Utzi  | Aukerak |
  • Aurreko portadak

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Praktikoena > Lege-aholkularitza

Λ

Zure afera revista.consumer.es aldizkarian konpon dezagun nahi baduzu, jar zaitez gurekin harremanetan. Bistan denez, aldizkari honetatik interesgarrien jotzen ditugun kontsultak bakarrik argitaratuko ditugu

Produktu bat itzultzean nork ordaindu behar ditu igorpen gastuak?

Zer egin, Interneten bidez produktu bat erosi duzularik, eskatutakoaren ordez antzeko beste bat bidaltzen badizute? Nik eskari bat egin nuen baina igorri zidatena eta nik eskatutakoa ez zen gauza bera, ez ezaugarrietan, ezta markaz ere. Hornitzaileekin hainbat solasaldi egin ondoren, itxaroten banuen, handik hiruzpalau egunera nik eskatutako berbera edo ezaugarri haiexetako beste bat bidaliko zidatela agindu zidaten. Era berean, aipatutako konponbide hori ezinezkoa gertatzekotan, eskaria ene etxetik jaso eta ene banku-kontuan eskariaren munta osoa (31,74 euro) sartuko zutela esan zidaten. Geroztik posta elektroniko bat jaso nuen: bertan ziotenez, ene etxetik eskaria jasotzeaz ez ziren arduratuko, web orriko erabilera-baldintzetan horrelaxe agertzen zelako; merkantziaren kostua itzul zekidan nahi banuen neure kontura igorri behar nuen eta, merkantzia hori haiek jasotakoan, zor zitzaidan kopurua ordainduko zidaten.

  Xehekapenezko Merkataritzaren Antolamendurako Legeak saltzailea behartzen du, kontratazio prozesua hasi baino lehenago, kontsumitzaileari bene-benetan eta behar bezain zehazki jakinaraz diezaion, hark eskaturiko produktuaren ordez, antzeko kalitate eta prezioduna nolako baldintza eta gorabeheretan eman liezaiokeen.

Atzera egiteko eskubideak, oro har, ezin ondoriozta dezake inolako zigorrik; horren ordez, erostunari produktua itzultzeagatiko kostua beregana dezan eska dakioke. Halaz ere, saltzaileak -eskatu zaion produktuaren ordez- antzeko kalitate eta prezioduna entregatzen badio erostunari, honek atzera egiteko eskubidea egikaritzen duenean, itzultzeagatiko zuzeneko kostuak saltzailearen konturakoak izango dira.

Gure kasuan, erostunak eskaria jaso eta biharamunean -hortaz, zazpi asteguneko epearen barnean- eman zion ezetza erositakoari, eskatutakoaren ordez antzeko ondasunak entregatu zitzaizkiolako; beraz, web orrian itzultzeagatiko gastuak erostunaren konturakoak direla adierazten bada ere, ez du horrela izan behar kasu honetan. Saltzaileak, beraz, erostunak ordaindu dizkion diru kopuruak itzuli beharko dizkio, atzera egin den datatik hogeita hamar eguneko epean, gastuengatiko inolako atxikipenik egiteke. Epe hori igarotakoan, kontsumitzaileak ordaindutakoaren bi halako itzul dakion exijitzeko eskubidea izango du, gainera.



Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto