Enpresa filialari isuna, enpresa nagusiko bezeroen datuak erabiltzearren

Bi hiritarrek aurkezturiko salaketen ondorioz, Datuak Babesteko Agentziak 300.506 euroko isuna ezarri zion Gas Natural SDG, S. A. enpresari eta 60.101 eurokoa, berriz, Gas Natural Servicios SDG enpresari, Datu Pertsonalak Babesteari buruzko Legea urratzearren. Enpresa horrek bezeroei eskutitza bidali zien, beren datu pertsonalak erabil zitzaten taldeko gainerako enpresei baimena emateko eskatuz. Gerora, bezero guztien -erantzun zutenen eta ez zutenen- datuak Gas Natural SDG enpresari eman zizkion. Gas Natural Servicios enpresak Espainiako Auzitegi Nazionalaren aurrean helegitea ezarri zuen arren, Auzitegiak isuna berretsi zuen. Espainiako Auzitegi Nazionalak, 2004ko ekainaren 30eko sententzian dioenez, datu pertsonalak jaso dituen pertsonak edo erakundeak ere bezeroen baimenarekin jarduteaz Datuak Babesteari buruzko Legeak xedatua duena bete behar du. Izan ere, Datuak Babesteari buruzko Legearen arabera, datu pertsonalak hirugarrengo bati ezagutaraz dakizkioke baldin eta interesatuak dudagabeko eta berariazko baimena emana badio, ez bestela. Horrenbestez, bezeroek inolako dudarik gabe baimena Gas Natural SDGri eman al zioten galdetu behar zion Gas Natural de Serviciosek, obligazioz.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du