Elektrizitate hornidurak enpresan kalte egin

 Iberdrola konpainiaren zerbitzuak baliatzen dituen enpresa batek bertako makinerian kalteak nozitu zituen, elektrizitate hornidurak bi aldiz eten egin baitzen (bakoitzean hamar bat minutuz). Kalte horiengatik eta atera ez zuen irabaziarengatik Iberdrolaren aurkako auzia jarri zuen. Iberdrolak argudiatu zuen bi eten labur horiekin hornikuntzaren kalitate eta jarraikortasunari buruzko arautegia urratu ez zela eta, gainera, etenen kausa ezezaguna zela. 2003ko uztailaren 31n emaniko sententzian Castelloko Auzitegiaren arabera, energia elektrikoaren hornikuntza eteteak erabiltzaileari kalte-galerak eragiten baldin badizkio, konpainia hornitzaileak kalte hori ordaindu behar duela, halabeharrezkoa edo antzekorik izan ezean. Kasu honetan etenaldia arrazoi ezezagun batengatiko matxura batek eragin zuenez, ez zen ustekabeko edo halabeharrezko izan. Auzitegiak dioenez, erabiltzaileak zerbitzua jasotzeko gutxieneko kalitate-baldintzak jasotzen ditu 1955/00 Errege Dekretuak. Horregatik, erabiltzaileari eraginiko kalteak -ez horrela jaso ez zuen irabaziak, enpresak horrelakorik ez baitzuen behar bezala frogatu- orain zitzan kondenatu zuen Iberdrola konpainia.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du