Nabigatze-menua pasa eta edukietara joan

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Buletinak
    •  | Utzi  | Aukerak |
  • Aurreko portadak

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Praktikoena > Aholkuak

Λ

Ikusmena eta ordenagailua: Lanean eten egin eta ikusmen-ariketak egitea, egoki-egokiak

  Profesionalek eta pertsona pribatuek ordenagailua geroz eta gehiago erabiltzearen ondorioz, erabiltzaile horiek ikusmeneko arazoak ere ugalduz doaz: begietako mina, begi lehor eta narritatuak, buruko mina, ikuspen lausoa... hamaikatxo dira aspaldian bulegoetako enplegatuen sarrieneko gaitz bihurtua den ordenadore-ikuspenaren sindrome horren agerpenak. Gaitz horien zergatia aparatua gaizki erabiltzea denez, konponbidea nornahiren esku dauden aholku soilak betetzea baizik ez da.

  • Ez eman ordenagailu aurrean lanean ordubete baino gehiago. Hori ezinezkoa bada, egin etenaldi asko, bost minututik bost minutura. Etenaldi horietan begiratu urrutiko zerbaitera 20 segundoz.
  • Tartekatu ordenagailuko lana eta bestelako jarduerak
  • Molestiarik nozitzen baduzu, itzali ordenagailua eta deskantsatu begiak. Aire freskoan begiak ireki eta ixtea lagungarri izango duzu.
  • Beharrezkoa bada, handitu pantailako letraren tamaina.
  • Karaktereek ondo zehaztuak egon behar dute, hondoarekiko kontraste onean, behar bezalako tamainakoak izango dira, eta lerro arteko tartea egokia.
  • Lanean erabili testu beltza hondo zuriaren gainean. Ahal dela, ez erabili kolore gehiegi.

Kokapena

  • Jarri monitorea 50 - 60 cm-tara.
  • Jarri pantailaren goialdea begien mailan edo apalxeago. Era horretan, monitorea ikusmen egokieneko zonan egongo denez (ikuspen-lerro horizontalez azpiko 5º - 35º bitartean) dena ahalegin berezirik gabe ikusiko duzu, ikusmena ez zaizu nekatuko eta postura kaltegarriei ihes egingo diezu.
  • Okertu monitorea beherantz, zure zuzeneko begiradarekiko 20 graduko angeluan.
  • Ipini dokumentuak atrilean, zure begietatik pantailaren distantzia eta altuera berean, horrela, begiratzeko ez baituzu burua jaitsi eta jasoko aldiro-aldiro eta ikusmen-nekea apalduko duzulako.

Kontuz argiarekin

  • Instalatu pantaila leihoari perpendikular; inola ere ez aurrez aurre, begiak altxatzean itsutzea gerta baitaiteke, ezta leihoari bizkar emanik, argi naturala pantailan islatzen baita, ezinbestez.
  • Saiatu monitorea edo mahaiko lanpara argi-iturri bakarra izan ez dadin. Baliatu giroko argitasuna: horrela, argitutako zonatik kanpo begiak ateratzean ez dituzte zeharo bestelako argitasun-gorabeherak nozituko.
  • Ez erori ohiko akatsean, ez erabili argi askorik. Toki berean argi-iturri ugari jartzeak zure begiei arreta monitoretik ken diezaieke eta, bestela, pantailan islapenak egin ditzakete.
  • Gehiegizko argitasunak ere nekatzen du ikusmena; hobe izaten da lanparak lan-zona argitzera zuzentzea, zure begietara edo pantailara jo gabe.
  • Erabili islapen kontrako tratamendu berezia edo berariazko filtroa duen monitorea. Kontuz filtro horrekin, pantaila ilunegi uzten badu.
  • Pantailako irudiak egonkor izan behar du, islapenik, distirarik, erreberberaziorik gabea. Aresti eginiko ikerlan baten arabera, izpi katodikodun monitoreen luminantzia maila ez dabil egonkor, aparatua piztu denetik lehen 20 minutuetan; beraz, lanean hasi aurretik monitorea piztea komeni izaten da, aldaketa horiek ikusmenean eragin dezakeen nekeari ihes egiteko.

Ordenagailu aurreko ariketak

 
  • " Eseri zuzen eta begira aurrera. Burua mugitu gabe, zuzendu begirada ahalik eta eskuinenera lehendabizi, eta ezkerrenera ondoren.
  • Ordenagailu aurrean zaudela, egin ahaleginak begien kliska erritmo biziz egiteko edo, bestela, egin etenaldiak, begiak kliskatzeko
  • Egin pausaldi bat eta zuzendu begirada infiniturantz (begientzat, sei metrotik haratago). Gertura begiratu beharrak agintzen duen egokipena alferrikakoa denez, begiko muskuluak lasaitu egiten dira horrela.


Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto