• IKERKETA

  • Zerbitzuguneak: 7.500 kilometrotik gora eginik 145 gune aztertu dira
  • Edari isotonikoak
  • Intsektizidak, aerosola eta hedatzaile elektrikoa
  • Kalitate egiaztagiriak hondartzetan

• GAURKOTASUNA ETA AISIA

  • PC isilak
  • Manuel Cuenca Cabeza

• ONGIZATEA

  • Udako entsaladak
  • Hiperhidrosia
  • Autoestimua
  • Oihanak
  • Gidatzean erregaia aurreztea
  • Igerian ikastea

• PRAKTIKOENA

  • Beltzarantzeko produktuak
  • LEGE-AHOLKULARITZA
    • Egin ez den ortodontzia ordaintzeko eskaturiko kreditua kobratu diote
    • Produktua itzultzea baimendu diote baina itundu gabeko baldintzak ezarrita
  • EPAIAK
    • Etxejabeen elkarteak igogailua mantentzeko kontratua eten zuen, eta enpresak auzia jarri
    • Parkingetan egiazko denboraren ordez denbora zatika kobratzea legez kanpokoa da
    • Aknea sendatzeko botikak diabetesa eragin
    • Konturako dirua eman zuten, baina erosteari uko egin eta ez zuten berreskuratu

  Kirola egitean gorputzeko tenperatura igo egiten da; igoera hori erregulatzeko izerdia kanporatzen du organismoak eta, horren bidez, ura eta mineral gatzak galtzen ditugu. Horrelako gatzak galtzeak etekin fisikoa makaldu eta susperraldia luzatu egiten du. Odolak duen presio osmotiko berean dauzkate edari isotonikoek azukre eta mineral gatzak. Osaketa hori dela eta, likido hori urdailetik hesteetara igaro eta bertan xurgaturik gertatzen delarik, odoletara inongo eragozpenik gabe iritsiko da, osagaiak azkar asko asimila daitezen.

Edari isotonikoak kontsumitzeak kirol etekina areagotzen du eta, gainera, ariketa fisiko biziak eragindako galerak berehala orekatzen laguntzen du.

Giro heze eta beroan ordubete eskas irauten duen entrenamendu edo norgehiagoka batean aski da behar bezalako hidratazioa mantentzea. Hori lortzeko, berriz, nahikoa dugu ariketa hasi baino lehenago, dirauen bitartean eta bukatu ondoren ura edatea.

Nolanahi ere, hipogluzemiak (odoletan glukosa mailak jaistea) eragiten duen flakia edo ahulezia beldurgarriari eta etekinaren beherakadari saihets egiteko, ariketa fisikoa egiten denean edari isotonikoak har daitezke. Ariketa bizi eta luzea denean edo, izerdi ugari boteaz, giro hezean egiten denean, gorputzak ura eta elektrolitoak galtzen ditu eta odoletako azukrea eta glukogenoa urritu egiten dira, baina substantzia horiek lehenbailehen berreskuratzea komeni izaten da: eginkizun hori edari isotonikoek betetzen dute (300 kaloria izaten dituzte litroko) eta, ariketan hasi aurretik eta jardueran bertan hartuta, nekea geroratzen eta etekina hobetzen laguntzen digute; ariketa amaitu ondoren hartzen baditugu, susperraldia azkartzen dute. Hona beste abantailetako bat: diarrea epea (likidoak hartzea ezinbestekoa da denbora horretan) laburtu egiten dute. Edari horien osaketa, farmazietan saltzen duten aho sueroaren antzekoa da baina, zapore atseginekoak direnez, sueroa baino errazkiago sartzen dira.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du