Nabigatze-menua pasa eta edukietara joan

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Buletinak
    •  | Utzi  | Aukerak |
  • Aurreko portadak

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Praktikoena > Lege-aholkularitza

Λ

Zure afera revista.consumer.es aldizkarian konpon dezagun nahi baduzu, jar zaitez gurekin harremanetan. Bistan denez, aldizkari honetatik interesgarrien jotzen ditugun kontsultak bakarrik argitaratuko ditugu

Elur ekaitzaren ondorioz hegaldia atzeratu

Londrestik etxerako bidaian ezbeharra izan genuen: sekulako elur ekaitzak harrapatuta, aireportuak atea itxi eta bertan eman behar izan genuen gaua, lurrean etzanik. Tratamendua ez zen zoragarria izan, benetan, zerbait beroa har genezan ardurarik ere ez baitzuten erakutsi konpainiakoek. Hurrengo hegaldia bi orduz geroratu zen, tripulazioko kide bat falta zelako (hori da, behintzat, eman zitzaigun azalpena). Erreklamazioa aurkeztu dugun arren, haiek berea: eragozpen meteorologikoek galarazi ziotela tripulazioko kideari lantokira joatea, alegia.

  Aire konpainiak txartelean agertzen den kontratua betetzera behartuta daude, bertan adierazitako baldintzetan, ordutegi eta loturei dagokienez. Horrenbestez, hegaldien irteera ordutegia urratzeak (ondorioz bidaiariak nozitu behar duen kezka, angustia eta pairamen fisikoa ahantzi gabe) erabiltzailea indemnizatzeko obligazioa sortzen dio konpainiari (ez, ordea, txartelaren prezioa itzultzeko bidaia taxuz egin bada, baita atzerapenez egin bada ere). Jurisprudentziak behin eta berriz adierazia duen bezala, aire konpainiaren obligazioa da itxaronaldian bidaiariaz behar bezalako arretaz arduratzea.

Halabehar edo ustekabeko istripua denean atzerapenen erantzukizunetik salbuetsita daude aire konpainiak. Halabehartzat hartzen dira konpainia horien kontrol esparrutik kanpoko eragozpenak, espero eta ekidin ezinezkoak diren gertakariak (kausa meteorologikoak eta natur hondamendiak). Jurisprudentziaren arabera, ez dira halabeharrezkoak hegazkinetako matxura mekanikoak, ezta pertsonalaren greba ere (kasu guztietan). Adiera horretan, aireportua itxiarazi zuen elur ekaitzaren ondorioz hegaldia atzeratzea halabeharra da, inondik inora, eta konpainia arduratik salbuetsita dago, baina bidaiariez behar bezalako arretaz axolatu behar du: helmugara telefonoz deitzea, mantenua eskuratzea, etc. Nolanahi ere, bigarren atzerapena jazo da, bi ordukoa, zuzenki behintzat meteorologiari ezin egotz dakiokeena, tripulazioko kide batek eragina baita. Ez gara gu aire konpainiaren iritzikoak: tripulazioaren ondoeza ez da halabeharrezko gertakaria, bitarteko edo baliabide urriegi erabiltzearen ondorio baizik.

Gure iradokizuna: ahozko epaiketarako demanda aurkeztea, abokaturik eta prokuradorerik gabe, kalte moral gisa, diru kopuru txiki baten eskean. Egokiena, dena den, Kontsumitzailea Informatzeko Udal Bulegoan edo Kontsumitzaileen Elkartean aholkularitza jasotzea da.



Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto