Elektrizitatearen gehiegizko tentsioak hainbat aparatu hondatu

Elektrizitate hornidurako boltajearen gorabehera latz baten ondorioz kontsumitzaile baten etxetresna elektrikoek kalte handiak nozitu zituzten. Kontsumitzaileak teknikariagana jo eta, honek esan zionez, tresnek gehiegizko tentsioak eragin ohi dituen kalte tipikoak ziren. Beraz, konpainia elektrikoaren aurkako demanda aurkeztu zuen, 3.137 euro eskatuz. Bartzelonako Auzitegiak arrazoia eman zion kontsumitzaileari, Kontsumitzaile eta Erabiltzaileen Defentsarako Legean euskailu hartuta. Auzitegiak 2003ko azaroaren 11ko sententzian dioenez, (gehiegizko tentsioa) kontsumitzaileak eraman zuen perituaren txostenak kalteak eta hauen kausa egiaztatu zituen. Beraz, bere burua erantzukizunetik salbuetsi nahi bazuen, enpresa elektrikoak kaltea itzurtzeko beharrezko eta eskatzeko modukoak ziren neurri guzti-guztiak hartu zituela frogatu beharko zuen. Bestela, froga hori ezean, errudun zen. Bestetik, konpainiak argudiatu zuen kasu hartan ez zela aplikatzekoa Kontsumitzaileen Legea, Fabrikatzailearen Erantzukizunaren Legea baizik, produktuak berez akastun izan zitezkeelako. Audientziaren erantzuna: kasu honetan akastuna ez da aparatua, hornidura edo zerbitzua baizik, eta horregatik aplikatu behar da Kontsumitzaile eta Erabiltzaileen Defentsarako Legea.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du