Gimnastikako eskolan erorita, tetraplegiko

 Ikasleak gimnastikako eskolan istripua izan zuen, mini-tranp batetik jauzi egin eta behar ez bezala erortzearen ondorioz. Oso lesio larriak jasan zituenez, 205 egun eman zituen ospitaleraturik eta gainera ondore fisiko (tetraplegia) eta psikikoak geratu zitzaizkion. Gurasoek irakaslea eta ikastegia auzitara eraman zituzten, kalte eta galerengatiko indemnizazioa eskatuz. Demandatuek argudiatu zutenez, istripua ezin igarrizko arriskuaren ondorio izan zen, kalterik gerta ez zedin neurri guztiak hartu zirelako: koltxonetak "T" eran antolatu ziren jauziak moteltzeko, irakaslea koltxoneten gainean edo mini-tranp haren ondoren ipini zen eta ariketa hitzez azaldu zuen.

Baina Jaengo Auzitegiak, 2003ko azaroaren 24an emaniko epaian dioenez, neurri horiek hartzea ez da aski. Beste gorabehera batzuek, hala nola umeen adinak, aparatu motak (loturik edo ainguraturik egon behar baitzuen), ahozko azalpen soilaren urritasunak eta abarrek argi eta garbi uzten dute harturiko neurriak ez zirela nahikoa izan.

Ariketa estreinaz egiten zenez, aurretiko prestakuntzarik gabe, bazen arrisku bat, derrigor itzuri beharreko eta aurreikusteko modukoa. Hortaz, demandatuak kondenatu zituen, biktimari 600.000 euroko indemnizazioa ordain ziezaioten.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du