Porrot egindako akademia bateko ikasleek ez zuten ordaindu zenbait finantza entitaterekin adostutako kredituekin

Access Language Hizkuntza Akademian matrikulatutako hainbat ikaslek enpresa haren porrotak kaltetuta ikusi zuten beren burua. Izan ere, egoera zail batekin egin zuten topo, irakaskuntza zerbitzuak ordaintzeko adostutako kontsumo kredituen karga bere egin beharrean aurkitu baitziren. Ministerio Fiskalak enpresaren kontrako akzioak abiatu zituen iruzur delitu jarraikiagatik. Bartzelonako Epaitegiak 2003ko apirilaren 28ko epaian dioenez, porrot teknikoan egon arren -zor handiak zituela eta alokairuak, langileak eta abar ordaindu ezinik-, akademiako arduradunak beren zerbitzuen publizitatea egiten jarraitu zuen modu ikusgarrian, ikasleak erakartzen segitzeko. Hartara, diru mordoa eskuratu eta geroxeago, porrota aitortuta itxi egin zuen. Epaitegiak dio Kontsumo Kredituen Legea aplikatzen dela eta, beraz, haren arabera, kontsumo kontratuaren eraginkortasunik ezak finantzaketa kontratuaren eraginkortasun eza erabakitzen du. Horrenbestez, irakaskuntza kontratuen eta mailegu estekatuko kontratuen ondorioak baliogabe utzi eta finantza entitateek ikasleak berankorren zerrendetan sartzea debekatzeko agindu zuen.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du