Nabigatze-menua pasa eta edukietara joan

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Buletinak
    •  | Utzi  | Aukerak |
  • Aurreko portadak

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Praktikoena > Aholkuak

Λ

Etxean medikamentuak gordetzea: Aldizka botikina ikuskatu

  Sendagaiak inolako ordenarik gabe pilatzeak arazo bat baino gehiago ekar dezake. Etxeko botikina modu egokian mantentzeko ez zaie soilik kontserbatzeko baldintzei begiratu behar, eta medikamentu kantitateari eta iraungipen datari ere egin behar zaie kontu. Eta, jakina, umeen eskumenetik kanpo eduki behar dira, ez baitira batere kontziente botikak hartzeak izan dezakeen arriskuari buruz.

Botikina ikuskatu

  • Saiatu sendagai asko ez gordetzen, horiek kontrolatzea zailagoa izango baita.
  •  Ikuskatu zure botikina aldizka -onena hiruzpalau hilean behin egitea da-, eta kendu iraungi diren edo jada behar ez dituzun botikak. Usaina edo kolorea aldatu dutenak ere kendu -baita erabiltzeko data oraindik bete gabe dagoenean ere-, eta berdin egin prospekturik gabe daudenekin. Iraungita dauden medikamentuek denboraren poderioz indarra gal dezakete eta toxikapen eta pozoidura latzak eragin ditzakete.
  • Idatzi kaxan zein egunetan erosi duzun eta zertan erabiltzekoa den.
  • Automedikatzeko aukera saihesteko, ez erabili medikuak agindutako tratamenduetatik soberan geratu zaizun sendagairik.
  • Balio ez duten botikak ez bota zakarrontzira. Eraman itzazu farmaziara edo birziklatzeko planta batera.

Erne haurrekin...

  •  Ez utzi botikarik umeen eskura. Ahal dela, gorde itzazu giltzapean, neurri guztiak beharrezkoak baitira umeen jakin minari dagokionez. Ez hartu botikarik haurren aurrean, eta ez esan gozoki zaporea dutela, horiekiko duten interesa areagotu egingo zaie eta.
  • Bitamina eta mineral osagarriak, eztarrirako gozokiak eta antzekoak ere umeengandik urruti gorde behar dira.
  • Izan ezazu beti larrialdi toxikologikoetarako telefonoa eskura, batez ere ume txikiekin bizi baldin bazara. Eta ez itxaron horren beharrik izan arte telefono zenbakia bilatzeko eta larrialdietarako telefonoen zerrendan idazteko.
  • Haurren toxikatze gehienak (%30) nahigabe hartutako botiken ondorioz gertatzen dira.

Non eta nola gorde

  • Sendagaiak eta hornidura medikoak leku garbi, lehor eta freskoan gorde, argitik babestuta eta arratoi eta labezomorroetatik urruti. Botika batzuk, hala nola xarabeak, hozkailuan gorde behar dira. Botikak beren jatorrizko ontzi edo kaxan gorde.
  • Ez gorde sendagaiak bainugelan edo sukaldean, leku horietan hezetasuna eta tenperatura etengabe aldatzen direnez medizinen indarra deuseztatu, degradatu edo murriztu baitaiteke.
  • Irakur ezazu arretaz prospektua. Botika gorde beharreko tenperatura giro tenperatura baino baxuagoa baldin bada Q ikurra erabiltzen da, eta kontserbatzeko baldintzak prospektuan agertzen dira, honela idazkunen bidez: "gorde hozkailuan bere kaxaren barruan", edo "ez izoztu".
  • Gorde beti sendagaiak eta material sanitarioa beren jatorrizko ontzi eta kaxetan eta beren prospektuekin. Horrela, jarraibideei behar bezala jarraitu ahal izango diezu beti eta, nahigabeko erreakzioren bat gertatuz gero, esaterako, alergiaren eta toxikatzeren bat, produktua identifikatu ahal izateko datuak izango dituzu.
  • Bidaiatzen baduzu eta sendagaiak eraman behar badituzu, egin kontu horiek jasan ditzaketen tenperatura aldaketei eta saiatu eskuko poltsan eramaten.


Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto