• IKERKETA

  • Organoak ematea
  • Kalitate goreneko turroi gogorra: zazpi lagin aztertuta
  • Webcams
  • Bidezko merkataritza

• GAURKOTASUNA ETA AISIA

  • MP3 erreproduzitzaileak
  • Francisco Santolaya, Valentziako Psikologoen Elkargoko Dekanoa

• ONGIZATEA

  • Gabonetako gozokiak
  • Heimlichen maniobra
  • Gizarte trebetasunak
  • Galzoriko espezieak
  • Maileguetako abalak
  • Perfumea

• PRAKTIKOENA

  • Elikadurako toxiinfekzioak saihestu
  • LEGE-AHOLKULARITZA
    • Ez du emazte ohiaren hipoteka maileguaren titularra izan nahi
    • Eskiatzaile batek harrapatu eta lesioak eragin zizkion
  • EPAIAK
    • Berokia erosi eta gutxira hondatu zen
    • Paziente tumore gaiztoa zuela oker pentsatu zuen hamabi urtez
    • Zahar egoitza bateko zuzendariak bi egoiliarri beren ondarea kendu zien
    • Aseguru etxeak ez zuen bihotzekoak eragindako baliaezintasuna onartzen

Organoak gordetzea eta garraiatzea

Iskemia fasean ateratako organoak gordetzea eta zaintzea guztiz funtsezkoa da (odol zirkulaziorik ez dagoenean). Organoak odol zirkulaziorik gabe gehienez ere egon daitezkeen denbora desberdina da organoaren arabera: bihotza 4 ordura arte egon daiteke; birikak 7-8 ordu iraun dezake; gibelak 17-20 ordu, eta giltzurruna eta pankreasa 24 ordu baino gehiago egon daiteke. Organo solidoak gordetzeko tenperatura 4ºC arte jaisten da, eta hainbat soluzio gehitzen dira organoak garbitzeko eta hozketa ahalik eta azkarren eta modurik homogeneoenean egin dadin.

Zaintzeko prozesua organoa atera aurretik hasten da eta, horretarako, soluzioak banatzeko sistema gisa, emailearen odol zirkulazioaren sistema erabiltzen da. Organoa atera dutenean, ontzi batean sartzen da, 8ºC-tan dagoen soluzio batean, eta une horretantxe egiten da organoari buruzko azterketa.

Azken pauso gisa, organoa ontzi esteril batean sartzen da, eta hori ere, era berean, poltsa bikoitz esteril batean sartzen da, zeina edukiontzi isotermiko batean jarriko den garraiatu ahal izateko. Gainera, izotza daukan soluzio hotz batez inguratzen da, behar den tenperaturari eutsi ahal izateko. Prozesu konplexu horren guztiaren ondoren, organoa prest egongo da transplantea egingo den ospitaleraino eraman ahal izateko.

Organoa ateratzeko oniritzia emateko agiria

Organoa ateratzeko baimena ematea dagokion arduradunak, edota horretarako ordezkaritza duen pertsonak, agiri bat egin beharko du, non aurreko atalak agertuko diren berariaz

• Hildakoaren edo haren ordezkaritza legala betetzen duten pertsonen borondatearen gaineko egiaztapenak.
• Familiarrei informazio eman zaie, betiere inguruabar objektiboek hori galarazi ez badute, eta azken egoera hori gertatzen bada jakinarazi egin behar da.
• Heriotza egiaztatu eta ziurtatu egin da, eta baimen agiriari aipatu heriotza egiaztagiri medikoa gehituko zaio.
• Heriotza istripuz gertatu denean edo tartean ikerketa judiziala egiten ari bada, epailearen baimena lortu behar da.
• Organo ateratzea egingo den zentroa horretarako baimena izan behar du, eta baimen horren indarrean egon behar du.
• Emaileak murrizketak ezar ditzakeela kontuan hartuta, jakinarazi egin behar da zein organotarako ez den baimenik ematen.
• Heriotza egiaztatu duten medikuen izena, abizenak eta kualifikazio profesionala jakinarazi behar da, eta egiaztatu egin behar da mediku horietatik inor ez dela organoak ateratzeko edo transplantea egiteko taldeko kide.

Legeriaren arabera Espainiako herritar guztiak organo emaileak dira, salbuespen bakarrarekin: hildakoaren familiak bere organoak erauzteari uko egin diezaioke horien beharra duen beste pertsona bati transplantatzeko. Soilik gorpuen %1 da egokia organoak emateko, beraz oso garrantzitsua da hildakoen familiakoak organoak emateari uko ez egitea, baldin eta gorpuak horretarako egokiak badira.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du