• IKERKETA

  • Hiri-autobusak: zerbitzua 13 hiritan aztertu da
  • Urdaiazpiko eta gaztadun pizzak, fresko eta ultraizoztuak
  • Xafla bikoitzeko bizar-aitzurrak, erabili eta botatzekoak
  • SPA

• GAURKOTASUNA ETA AISIA

  • Etiketa Interneten
  • Margarita Salas, biologo molekular eta Espainiako Hizkuntza Akademiako kide

• ONGIZATEA

  • Jakitegia eta hozkailua antolatzea
  • Zerbikalgiak
  • Bikote arazoak
  • Lorategi ekologikoak
  • Leihoen materialak
  • Mikologia

• PRAKTIKOENA

  • Sukaldean suterik izan ez dadin
  • LEGE-AHOLKULARITZA
    • Interneten bidez eginiko erosketa batean, arazoak
    • Diskoteka bateko atearekin hatza galdu zuen
  • EPAIAK
    • Oinezko bat azokatik gertu erori zen
    • Argia moztu eta bideoa hondatu
    • Jabe-aniztasunaren kontratua baliogabetu zen
    • Tronpen lotura eginik ere, haurdun

  Zigarroa erretzetik janaria sutan prestatzeraino, suarekin zerikusia duen etxeko zeinahi jarduera balizko sute-iturri da, berez. Espainiako Estatistikako Institutu Nazionalaren arabera, aisiako eta etxeko istripu gehienak (%51) etxebizitzan gertatzen direlarik, sukaldea da horien eszenatoki nagusietako bat (%15). Bertan jazotzen diren egintza guztietatik, janaria prestatzeak sortarazten ditu ezbehar gehien, horietan suteak eta erredurak (%9) nabarmenenak izaki. Horrelakorik ez gertatzeko klabea, istripua aurreikusi edo, gertatu denean, nola jardun behar den asmatzea da.

Erne, beti erne

• Sukaldean, sutan zerbait prestatzen duzunean zaude beti horren gainean, ez utzi albora inola ere. Sukaldean, suteengatiko bost heriotzatik biren arrazoia, sutan zegoen janaria inork ez zaintzea da.
• Etxetik alde egitean ez utzi ezer sutan prestatzen, ezta kontsumo handiko aparatu elektrikoak piztuta ere.
• Sutondoan zabiltzala eraman mahuka motz edo estuak. Ez jantzi arropa suharbera, piztutakoan sua zabal lezake eta.
• Eduki sukaldean itzalgailua eskura.
• Gasa itzal lezakeen aire-korronterik izan ez dadin neurriak hartu behar dituzu, zeu beste gela batean baldin bazara, bereziki.
• Ez pilatu, ez maneiatu sukaldean likido suharberak. Ez metatu etxean erregaiak (arropa zaharra, egunkariak, pinturak, etab.) alferrik.
• Garbitu maiz sukaldeko erauzgailuko kanpaiko filtroak. Eduki gantzik gabe ke-irteera eta aire-sarrerak.
• Garbitu, erabili aurretik, txigorgailuak eta gainerako aparatu txikiak.
• Eduki garbi sukalde osoa. Janariak prestatu ondoren, garbitu sukaldeko tresneria eta azalak, gantza pila ez dadin.
• Alkohola edan edo logura ematen dizun botikarik hartu baduzu, ez ibili sukaldean janak prestatzen.
• Urrundu haurrak sukaldetik eta arropa lisatzeko tokitik. Jarri bero dauden edo sua duten tresna eta gauzak haien eskumenetik kanpo.

Gas eta elektrizitatearekin, are eta neurri zorrotzagoak

•  Deskonekta itzazu erabili ohi ez diren tresna elektrikoak.
• Ez zamatu gehiegi entxufea, bertan aparatu asko konektatuz.
• Ez erabili zuzen babesturik ez dagoen hari elektrikorik. Konpon itzazu hari horiek edo zokoratu betirako.
• Ez aritu sare elektrikoan zorua bustita dagoenean.
• Irakurri arreta handiz etxetresna elektrikoen argibideak, erabil itzazu behar bezala.
• Martxan dagoela, ipini etxetresna elektrikoa motorea erraz egurasteko moduan.
• Busti den etxetresna elektrikorik ez konektatu sarean, harik eta lehor-lehorra dagoela seguru jakin arte.
• Txigor-usaina aditzen baduzu, aztertu sorburua: baliteke elektrizitate-instalazioa gehiegi berotu izanaren ondorioz, zirkuitulabur edo, areago, suterik gertatzea.
• Begiratu maiz gas-garraren kalitatea: bizi, egonkor, urdin eta isila behar du izan. Zarata eta dardarizoka hasten bada eta mutur horiak ateratzen bazaizkio, deitu zerbitzu teknikoari, aparatuak azter ditzan.
• Erregailuetara doan gaseko giltza ireki aurretik piztu pospoloa edo metxeroa.
• Erretzen ari bazara edo gertu bero-iturririk baldin badago, ez aldatu butano botila.
• Gas-ihesik gertatzekotan, ez piztu edo itzali argirik. Egurastu gelak ahalik eta gehien eta deitu mantenuaz arduratzen den konpainiari.

Sutea gertatzen bada...

• Itzali bero-iturria, ahal bada. Eten korronte elektrikoa eta itxi gaseko sarrera.
• Sua txikia eta kontrolatzeko modukoa bada (bakarrik) saia zaitez itzaltzen: jarri zaitez sua eta ihes-bidearen tartean. Deitu 112 larrialdietarako telefonora lehenbailehen.
• Sua itzaltzerik ez baduzu, ez arriskatu ezer alferrik: bilatu toki segurua eta urrundu zaitez arriskutik.
• Eraman itzazu, ahal bada, erregaiak edo produktu suharberak sutatik urrutienera.
• Sukaldeko elementurik sutan hasten bada, bildu estalkiren batekin edo itzalgailuko soda-bikarbonatoarekin.
• Sutea gertatzen bada, eduki itxita labeetako ate guztiak
• Gantz edo likido suharberak erretzen ari direnean ez bota urik inola ere, urak sutea zabalarazi egingo luke eta. Instalazio elektrikorik arriskutan baldin badago ere, ez erabili urik.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du