Auzokideen lokal sozialean ba al dago erretzerik?

Egoitza-gune batean berriki eraiki duten etxebizitza erosi dut. Bertan, auzokideek erabiltzeko lokal bat dago. Auzokideen bilera batean, lokal horretan erretzen debekatzeko aukera jorratu zen baina erretzaileek azkar asko erakutsi zuten erretzeko eskubide osoa dutela, inongo azalpenik eman beharrik gabe. Legeriaren mugetan, zilegi al da horrelako lokaletan erre ez dadin exijitzea?

  Erretzaile ez diren pertsonen osasun-arriskuen gaineko datu zientifikoak gogoan izaki, tabakoaren erabileraren mugapenei buruzko legeria estatalak xedatua duenez, hiritar horien osasun-eskubidea errespetatu beharra dago; Osasunaren Lege Orokorrean ebatzitakoaren arabera, berriz, tabakoa pertsonaren osasunarentzat sustantzia kaltegarria da. Horrenbestez, liskar edo auzirik sortzekotan, erretzaile ez diren pertsonen osasuna babesteko eskubidea nagusituko da beti erretzeko eskubidearen gainetik. Nolanahi ere, Errege Dekretu horrek ez du aplikazio-indarrik espazio pribatuetan, ezta erabilera kolektibokoak badira ere. Gure ustez, bai espazio publikoetan (hala nola erabilera publikoko aretoetan, oro har) erretzeko debekapena, baita komunitateak erretzaile ez diren pertsonen osasun-eskubidea aintzat hartu behar ditu komunitateak.

Jabego Horizontalaren Legearen ikuspegitik, kontu hori berariaz bilduriko jabekideen batzordearen bileran bozkatzea komeniko litzateke, bertan erabaki bat zehatz-mehatz hartzeko: erretzen debekatzea edo, gutxien-gutxienez, bidezko denean, erretzaileentzako eta erretzaile ez direnentzako espazioak bereiztea, gehiengoak hala nahi izanez gero.

Era berean, Jabego Horizontalaren Legeko 7. artikulua ere aplika daiteke, hots: "Etxebizitzako edo negozio-tokiko jabeari eta erabiltzaileari ezin zaie onartu, ez toki horretan, ez eraikin osoan, Estatutuetan debekaturik dauden jarduerak gauzatzea baldin eta finkarentzat kaltegarri gertatzen badira edo, bestela, jarduera gogaikarri, osasungaitz, kaltegarri, arriskutsu edo ilegalei buruzko ebazpen orokorren kontrakoak badira". Erretzea, izan, jarduera osasungaitzetako bat denez, gogaikarri eta kaltegarria ere bada, osasunari kalte egiten diolako. Osasuna babesteko eskubidera joaz debekapen hori ezartzeko gehiengo soila ez erdiestekotan epaitegietara jo daiteke baina horrela ibiltzea jokaera berriegia litzateke oraingoz.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du