Nabigatze-menua pasa eta edukietara joan

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Buletinak
    •  | Utzi  | Aukerak |
  • Aurreko portadak

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Praktikoena > Lege-aholkularitza

Λ

Zure afera revista.consumer.es aldizkarian konpon dezagun nahi baduzu, jar zaitez gurekin harremanetan. Bistan denez, aldizkari honetatik interesgarrien jotzen ditugun kontsultak bakarrik argitaratuko ditugu

Haurren jolasek molestiak sortzen dizkiete bizilagunei

Gure urbanizazioak igerilekua, lorategia eta patio komuna ditu eta eraikinen sustatzaileak iragarri zuenez, lau lore-ontzi jarriko ziren patioan. Eraikitzaileak ez zuen hitza bete eta gaur egun patioan baimenduta dago baloiarekin jolas egitea. Patio hori gure leihoaren azpian dago eta fatxada bera du muga. Etengabeko baloi-kolpe eta garrasiak direla eta, erotzekoa da gure etxean bizi izatea. Bizilagunen bilera batean arazoa planteatu arren, ez da behin betiko erabakirik hartzen. Legezko zein neurri har dezaket bizilagunen elkartea gune komun horretan jolas gogaikarriak debekatzera behartzeko?

 Jabetza Horizontalaren Legearen arabera, jabekideek errespetatu egin behar dituzte komunitatearen instalazio orokorrak, erabilera egokia emanez eta kalteak eta hondamenak eragitea eragotzita eta gainerako jabekideekiko harremanetan eta higiezina erabiltzean behar den gizalegez jokatuta. Elkarbizitza eta elementu komunen erabilera -kasu honetan patio komunarena- gauzen erabilera normalaren arabera egin behar da. Urbanizazioko haurrek gune komunetan jolas egitea normaltzat har daiteke, baina zaratak onargarri den maila gainditu eta kalte eragitera (adibidez osasunean kalte egitera) ere iristen badira, ez dago horiek jasateko obligaziorik. Bizilagunen Elkarteko presidenteari Jabeen Batzar baterako deia egitea plantea dakioke, eta batzarrean patio horretan haurrek jolas egin dezaten ordutegi bat eta jolas motak finkatu. Hau da, bereziki gogaikarriak diren jolasak debekatzeko aukera ere izango litzateke, gainerakoak onartuta eta haurren jolasak ordutegi batera mugatuta, astegun zein jaiegunetan ere. Patioa leihoaren azpian bertan dagoenez, zaraten aurrean har daitezkeen isolamendu-neurriez teknikoren bati kontsulta egitea ere plantea dakioke Juntari. Jabeen Juntak eskaerari erantzungo ez balio, epaitegietara jotzeko aukera dago zarata-maila mugatzeko neurriak hartzeari uko egiten dioten erabakien aurka egiteko eta kalte eta galerengatiko ordaina eskatuz. Kontuan izan behar da gai hauek ezinbestez sartu behar direla Batzarreko gai-zerrendan, bozkatuko badira eta erabakiak balioz hartzeko.



Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto