Nabigatze-menua pasa eta edukietara joan

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Buletinak
    •  | Utzi  | Aukerak |
  • Aurreko portadak

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Praktikoena > Lege-aholkularitza

Λ

PAPEREZKO BERTSIOA.
2002ko urria

Zure afera revista.consumer.es aldizkarian konpon dezagun nahi baduzu, jar zaitez gurekin harremanetan. Bistan denez, aldizkari honetatik interesgarrien jotzen ditugun kontsultak bakarrik argitaratuko ditugu

Obra bateko materialen kalitatea adostutakoa ez bada, ordezkatzea eskatu behar da

Etxebizitza bizi izateko egokitzeko gremioak koordinatzen dituen enpresa batera jo genuen. Obraren barruan, etxeko zoruaren ordez elondozko tarima jartzea erabaki genuen. Zorua jarri eta bernizatu ondoren, zain gris ilun eta beltzez beterik zegoela ikusi dugu, ez daude bi ohol berdin eta oso itsusi geratzen da. Nora jo dezakegu jarri diguten zura eskatu genuena den jakiteko? Aukeratu genuena ez bada, edo adostutako ezaugarriak izan beharrean kalitate txarragokoa baldin bada, zer egin dezakegu ordezka dezaten? Nola konpentsa daiteke zorua berriro jartzen galduko dugun denbora?

Obra bat koordinatzen edo tarima jartzeko lanak azpikontratatzen dituenaren erantzukizunen artean, zura baldintza egokietan dagoela eta hitzartutako modukoa eta agindutako kalitatekoa dela egiaztatzea dago. Jarri dizueten tarima hitzartutakoa dela egiaztatzeko, horrelako lanetan jarduten duen beste enpresa batera jo dezakezue, arotzeria batera edo epaiketetako aditu-probez arduratzen den aditu espezialista bat aurkitu, iritzia eman dezan. Iritzi horren arabera adostutako materiala ez balitz, idatzizko irizpena eskatu beharko litzateke (aurrez aurrekontua eginda). Gainera, gremioak koordinatzeaz arduratzen den enpresari jakinarazi beharko litzaioke, zorua ordezkatzeko akordioren batera iristeko, edo komenigarri ikusiko balitz kalitate galera konpentsatuko lukeen prezio murrizketa adosteko. Garrantzitsua da negoziazioko gestio horiek idatziz jasota uztea eta enpresa erreklamatuarekiko harremana ahal bada idatziz eta jaso izanaren egiaztagiri bidezkoa izatea (oso gomendagarria da buro fax bidezko sistema erabiltzea). Negoziaketak larregi luza ez daitezen, komenigarri izaten da idatzian bertan erantzun egokirik jaso ezean bide judizialetik edo kontsumoko arbitrajetik joko duzuela ohartaraztea.

Obrako kontratua bete ez balitz edo oker bete den kasuan, enpresa erreklamatuaren kontura izan beharko lukete atzerapenagatiko konpentsazio ekonomikoek, atzerapenak kalte eta galera kuantifikagarri egiaztatuak eragin baditu. Adibidez, obrako gorabeherak direla eta jabeek etxebizitza alokatu batean bizi behar izan badute, denbora horretan zehar ordaindutako errenta erreklama dezakete. Perituak akatsak edo adostutakoarekiko desberdintasunak izan direla erabakitzen badu, bide judizialeraino ere iritsi behar da eta horretarako abokatu baten laguntza behar izango da. Garrantzitsua da egin beharreko obra, materialak, kalitateak etab. jasotzen dituen aurrekontua edo kontratua gorderik izatea eta baita faktura, ordainagiri eta erreklamazio guztiak ere.



Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto