Telebista pribatu batek ez zituen betetzen publizitatea jartzeko legezko ordutegi-mugak

1991n Telekomunikazioen Zuzendaritza Nagusiak hainbat egunetako programazioari buruzko dokumentazioa eskatu zion Telecinco telebista kateari eta 1988ko Telebista Pribatuen Legea ez zela bete egiaztatu zuen, gainditu egin baitzuen orduko hamar minutuko publizitate-muga. Legea zorrotz betetzeko beharrezko neurriak berehala hartzeko ohartarazpena egin zion erakundeak telebista kateari. Telecincok Epaitegi Gorenera arte jo zuen, eta hamaika urte geroago, 2002ko otsailean, ezetsi egin zen Telecincoren errekurtsoa. Gorenaren aburuz, Espainiako Legeak emisio ordu bakoitzeko gehienez ere hamar minutuko publizitatea ematea onartzen badu ere, Europako arau batek 12 minutuan ezartzen du muga eta Telecincok muga orri heldu zion. Hala ere, Gorenaren epaiak dio Telecincok behin baino gehiagotan gainditu zuela muga hori kontrolaturiko epean eta garai hartan hori arau-haustea ez zen arren, Administrazioak zuzen jokatu zuela kateari ohartarazpena egitean. Gorenak adierazi zuen, bestalde, ezin dela publizitatetzat hartu norbere programazioa iragartzea, ez babesle lana, ez tele-salmenta, baina horren barruan ezkutuko publizitatea sartzen zuen.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du