- Kokapen honetan zaude: Hasiera > Paperezko bertsioa > Praktikoena > Epaiak
Auziek, nahiz eta antzekoak izan, epai ezberdinak izan ditzakete. Orri honek gure eremuko epaitegien epaiak jasotzen ditu, betiere, epai horiek mota guztietako produktu eta zerbitzuetako kontsumitzaile eta erabiltzaileengan eragina baitute. Antzekotasuna duten kasuen aurrean, frogak, inplikatutako aldeen egoera zehatzak eta baita auzitegiak berak ere epai ezberdinak eman ditzake.
Alfonbraren etiketak akatsa eragin zuen tindategian
TweetBezero batek tindategi baten aurkako demanda jarri zuen, garbitzeko eraman zuen alfonbrak kalteak izan zituelako: urak hartu, ertzak deformatu, ehuna trinkotu eta kolorea galdu zuen. Tindategian alfonbra uretan garbitu zutelako gertatu zen hori. Ezaugarri bertsuak zituen alfonbra bat eman edo balioa ordaintzea eskatzen zuen bezeroak kalteen ordain gisa. Epaiketan zehar ikusi zen alfonbra jute eta kalamuz egina izan arren fabrikatzaileak urarekin garbitzea aholkatzen zuela eta seguruenik horrexek eragin zuela alfonbra txikitzea, epaiketan adituek aurkeztutako txostenaren arabera. Horregatik, Burgosko Lurralde Entzutegiak, 2001eko apirilaren 20ko epaian, tindategiak ez zuela erantzukizunik ebatzi zuen, etiketako gomendioak jarraitu baitzituen. Bezeroen demanda ezetsi egin zuen, baina epaiketaren kostuak ordaintzera zigortu zituen, prozesuan zehar jakin ziren datuek argitu egin baitzuten alfonbra urak zergatik hartu zuen, demanda aurkeztu zenean arrazoi horien berri izan ez arren.
Eduki honen erlazioak
Interesatzen zaizu
Ekintza honek Bizkaiko Foru Aldundiaren Kultura Sailaren laguntza jaso du
Orrialde honen baliabideak
Nabigatze-menuak
Web honen atalak
Beste zerbitzu batzuk
Bigarren mailako beste zerbitzu batzuk
Copyright-i buruzko informazioa eta lege-oharra
EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa