Nabigatze-menua pasa eta edukietara joan

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Buletinak
    •  | Utzi  | Aukerak |
  • Aurreko portadak

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Praktikoena > Lege-aholkularitza

Λ

Zure afera revista.consumer.es aldizkarian konpon dezagun nahi baduzu, jar zaitez gurekin harremanetan. Bistan denez, aldizkari honetatik interesgarrien jotzen ditugun kontsultak bakarrik argitaratuko ditugu

Plusbalioak etxebizitza saltzen duenaren kontura izan behar du

1999an etxebizitza bat erosi nuen, eraikitzeko proiektuan zegoena. 2000ko urtarrilean salerosketa kontratua aurkeztu zidaten sinatzeko. Kontratuak hamabost estipulazio zituen eta besteak beste prezioa, entrega-data etab. zehazten zituen. Klausuletako batek honela zioen: "Eskualdatze honen ondoriozko karga eta zerga guztiak, hala nola notario, erregistro eta plusbalioarenak, eroslearen kontura izango dira". Nik uste nuen plusbalioa ordaintzea saltzaileari dagokiola, baina urtarrilean sinatu egin behar izan nuen kontratua. Etxebizitza eta garajea aurten emango dizkidate. Plusbalioa ordaintzera behartuta nagoen jakin nahi nuke.

  Berez, saltzaileari dagokio plusbalioa ordaintzea. Kasu honetan, beraz, saltzaileari eskrituretan plusbalioari buruz idatzitako klausula ken dezala eskatzea komeni zaizu, telegrama edo jaso izanaren egiaztapena duen buro-fax egiaztatu bidez. Gai konplexua da, edozein modutan ere. Hazienda Lokalen Legearen 107 b artikuluak dio eskualdatze garestietan saltzaileak ordaindu behar duela gainbalioa (hiri-izaerako lursailen balio handitzearen gaineko zerga). Bestalde, Zergei buruzko Lege Orokorreko 36. artikuluak dio zerga betebeharraren elementuak ezin izango direla aldatu partikularren arteko hitzarmen edo itunen bidez, eta edozein kasutan ere, saltzaileak ordainduko duela plusbalioa Administrazioaren aurrean.

Hala ere, ondorio zibil hutserako hitzarmen bat egin daiteke alde bien artean. Hau da, alde biak ados jar daitezke eta saltzaileak gastu batzuk eta erosleak beste batzuk bere gain hartzea adostu. Hitzarmen zibil horiek kontsumitzailearentzat abusuzko izan ez daitezen, Kontsumitzaile eta Erabiltzaileen Defentsarako Lege Orokorrak dio abusuzko kontsideratuko direla legez profesionalari dagozkion dokumentazio eta tramitazio gastuak kontsumitzaileari egozten dizkioten klausulak.

Eta legeak plusbalioa berariaz aipatzen ez duen arren -ez baita berez titulazioa prestatzearen ondoriozko gastu bat- hitzarmen zibil honetan saltzaileak ezin dio erosleari plusbalioa edo ez dagokion beste edozein kontzeptu ordaintzerik eskatu. Hau da, hitzarmen zibiletan negoziatu egin beharko da beti. Ebazpen hori eman zuen Palentziako Lurralde Entzutegia 1994ko urtarrilaren 21eko epaian, abusuzko eta baliogabe aitortu baitzuen eroslea plusbalioa ordaintzera behartzen zuen klausula.

Salbuespen bat: Nafarroan erosleari kobratzen zaio plusbalioa.



Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto