Zaratak mugatzen dituen lege bat betearazteko pasibotasuna

Hainbat bizilagunek salaketa ugari aurkeztu zuten Cartagenako Udalean, zenbait tabernak sorturiko zarata eta bestelako endredoen eragina jasaten zutelako. Hainbat neurketak erakutsi zuen zarata maila udal ordenantzek ezartzen zutena baino handiagoa zela. Bizilagunen iritziz Udalak zabarkeriaz jokatzen zuen zaratak gutxitzeko premiaren aurrean eta kalte-galeren ordaina eskatu zioten. Gaia Murtziako Epaitegi Gorenera iritsi zen eta 2001eko urriaren 29an epaia eman zuen, eta zaratek irauten duten bitartean salatzaileei urtean 10.968 euroko kalte-ordaina ematera zigortu zuen Udala. Zenbateko hori zehazteko Epaitegiak kontuan hartu zuen etxebizitza horiek bigarren bizilekua zirela eta, beraz, udako hilabete bakoitzeko 902 euroko kalte-ordaina ezarri zuen eta beste hilabete Eguberri eta Aste Santua hartzeko eta 1.352 euro urteko gainerako asteburuengatik. Eta kalte moralengatik 6.010 euroko zifra bakarra ordaintzeko zigorra jarri zen. Epaitegiak dio Udalak tabernen jarduera etetea agindu behar zuela, horretarako ahalmena baitauka. Baina hala ez egitean, pertsonaren errespetua zaintzeko bere betebeharraren utzikeria nabarmena izan zuen.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du