Nabigatze-menua pasa eta edukietara joan

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Buletinak
    •  | Utzi  | Aukerak |
  • Aurreko portadak

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Gaurkotasuna eta aisia > Produktuen azterketak

Λ

Informazio honetan agertzen diren datuak, informazioak, interpretazioak eta kalifikazioak burutu ziren momentuari soilik dagozkio eta, beraz, iraupen mugatua dute.

Mendirako lozakuak: Hoberenetako bat, denetan merkeena

Erabiltzaileak eraman nahi izango dituen bolumenak eta pisuak zehaztuko dute, hein handi batean, komeni zaion zakua

 Oraingoan aztertu diren mendi ibilaldietan erabiltzeko sei lozakuen prezioak 78 euroetatik (Ferrino Nightec 600D eta Vango Ultralite 700ML) 107 euroetaraino doaz (Yuma Altus Groenlandia). Denak "momia" motakoak badira ere, lagin bakoitzak daukan betegarriak zehazten ditu berariazko ezaugarriak, egoera meteorologiko desberdinetara egokitzekoak.

Eguraldi-gorabehera latzetan, kanpin denda barruan edo aire zabalean, behar bezain eroso lo egiteko aukera eskaini behar dio honelako lozakuak erabiltzaileari. Era berean, arina izan behar du, erraz garraiatuko bada, eta trinkoa.

Laborategiko azterketak erakutsi zituen emaitzen desberdina kontuan izaki, nekez asma daiteke kalitate eta prezioaren arteko erlazio hoberena zein den esatean. Erabiltzaileak lozakuaren pisuari eta bolumenari garrantzirik ematen ez badie, denetan merkeena (Ferrino Nightec 600D) da hautapen egokiena, erresistentzia eta gaitasun termiko onekoa delako. Lozakua ibilaldi luzeetan eraman nahi badu, berriz, Yuma Altus Groenlandia du mendizaleak aukera polita, aurrekoa baino garestiagoa den arren eta josturen erresistentzia hobetu beharko badu ere.

Gaitasun termikoa, funtsezkoa

Lagin gehienen etiketek, lozaku horiek erabil daitezkeen bi tenperatura-maila adierazten dituzte: lehenbizikoan, erabilerarik egokiena nolako baldintza klimatikoetan egin daitekeen agertzen da; bigarrenean, berriz, berebiziko prestakizun teknikoaz hornituriko erabiltzaileak bakar-bakarrik, bere buruaren erresistentzia ederki ezaguturik, zakua gehienez ere nolako baldintzetan erabil dezakeen adierazten zaizkio.

Ferrino laginak, egoera normalean, erosotasuna bermatzen du -6 ºC eta -10 ºC bitartean, eta muturreko tenperaturatzat -20 ºC finkatzen du. Salewa markakoak lozakua 9 eta 2 ºC bitarteko tenperaturetan baliatzea aholkatzen duen arren, 24 ºC eta -13 ºC hozberoetan ere erabil daitekeela adierazten du (tenperatura horretan jelatzea bakarrik galarazten du). Vaude laginak 8 ºC eta 2 ºC bitarteko tenperaturak egokiak direla badio ere, mutur-muturrekoak 25 ºC eta -3 ºC dira (jelatzea bakarrik eragozten duelarik). Coleman laginak, azkenik, lozakua 0 ºC tenperaturan baliatzea aholkatzen du baina premia gorriko hozberoak 5 ºC-tik -10 ºC-ra doa. Vango eta Yuma markakoek ez dute horrelako adierazpenik egiten.

Lozaku horien barrualdean gertatzen den bero-galera zehazteko froga moduko bat asmatu zuen CONSUMERek: zaku bakoitzean giza gorputzaren tenperaturan (36 ºC) zeuden 14na jelatina pakete sartu ziren. Orduan hasi zen kanpoaldeko tenperatura jaisten, enbor, oin eta buru aldeko bero-ihesa kontrolatuz.

Gaitasun termikoa neurtzeko froga horretan emaitzarik hoberenak Yuma eta Ferrino laginek erakutsi zituzten. Coleman lozakua on samar gertatu zen eta Vango, Vaude eta Salewa markakoak onartzeko moduan baino ez. Saiakera amaitutakoan, Yuma laginak 6,5 ºC bakarrik galdu zituen enborraren alderdian (oinetan 10 ºC eta buru aldean 12,5 ºC galdu zituen arren), baina Vaude laginak emaitza dezente okerragoak agertu zituen: 17,5 ºC galdu zituen enbor aldean, 15,5 ºC oinetan eta 27,5 ºC buru aldean).

Pisu eta bolumenetan, aldea

Lozaku guztiek poltsa barruan ez zuten bolumen berdina: 7,2 litroetatik (Vango) 34,2 litroetara (Ferrino) zihoan. Aldea, beraz, batetik bestera. Vaude eta Coleman laginen bolumena 11 litro ingurukoa den bitartean, Salewa-rena 13 litrokoa da eta Yuma markakoarena, azkenik, 20 litro, hortxe. Aldeak alde, lozakua zabaldu ondoren, laginen neurriak berdintsu bihurtu ziren.

Ferrino, Yuma, Coleman eta Vango laginen poltsek nylonezko zintak eta finkaleku plastikoak dauzkate, lozakua galkatu eta, horrela, bolumena murrizteko. Beste aldetik, Vaude da itxitura-alderdia hezetasunaren kontra babesteko ehunik ez daukan lagin bakarra.

Pisuari dagokionez, Vaude eta Vango dira lozaku arinenak (1.010 eta 1.040 gramo), ondotik Coleman, Salewa eta Yuma (1.440, 1.750 eta 1.910 gramo) datozkiela. Denetan astunena Ferrino da (2.140 gramo).

Bero-ihesak galarazteko helburuz, itxidura labaingarri bitartez egokitzeko moduko txanoa eta lepoko termiko egokigarria daukate lagin guztiek, Vangok eta Vaudek izan ezik. Denek, era berean, barrualdean velcroz (Vaude eta Coleman laginek, kremaileraz) ixten den poltsiko bat daukate, gauza txikiak gordetzeko.

Kremaileren barne aldean sei laginek banda isolatzailea daukate, erabiltzailea hotzetik babesteko. Banda horrez gainera, Vango markakoak hezetasunetik babesteko hegal bat dauka; Yuma laginak beste hegaltxo bat oraindik, kremailera traba ez dadin. Jostura, poltsiko eta kremaileren bukaerak ongi baloratu ziren (Vango laginaren poltsikoak eta josturak, aitzitik, deseginik edo urraturik zeuden, betegarria ateratzen zelarik).

Salewa eta Vaude dira funda galkagarrian gordetzeko soilenak, baina Vango eta Coleman laginek, galkatutakoan, gainontzekoek baino bolumen gutxiago daukate. Erabiltzeko erosotasunik egokiena -kremaileraren labainketa elementu nagusi izaki-Ferrino eta Coleman laginena izan zen. Lozakuari erantsitako osagarriei dagokienez, Yuma lagina da hoberena, hau da, osatuena.

Zulatze eta urratzearen kontrako erresistentzia

Kanpoko ehunak urratzeari ezartzen dion erresistentziari dagokionez, Ferrino eta Yuma (28-30 Newton) dezente hobeak izan ziren Vaude eta Coleman (20-21 Newton) baino. Ferrino eta Yuma, era berean, hoberenak izan ziren zulatzearen aurkako erresistentzian ere (108 eta 123 Newton), Vaude laginaren (62 Newton) aldean, batez ere. Josturen erresistentzia onartzeko modukoa baino ez zen izan Ferrino (442 Newton) eta Vaude (304 Newton) laginetan; gainerakoetan emaitzak askoz okerragoak izan ziren, Yuma, Vango eta Coleman laginetan (108, 214 eta 230 Newton) bereziki.

Zeharkako trakzioari aurre egitean hoberena Salewa laginaren kremailera izan zen (940 Newton), ondo-ondoan Yuma eta Ferrino laginak zetozkiola (870 eta 890 Newton). Denetan txarrena Vango markakoa izan zen: oihala urratu eta kremailera ireki egin zen 720 Newton aplikaturik, hau da, gainontzekoak baino dezente lehenago.

Etiketak, osatu gabeak

Etiketa zuzen bakarra Yuma laginarena izan zen. Gainerakoetan ez daude fabrikatzailearen edo inportatzailearen datuak (Vango, Ferrino, Salewa, Vaude, Coleman) edo, bestela, etiketako argibideak espainieraz bestelako hizkuntza batean agertzen dira (Vango, Salewa eta Vaude).

Ferrino eta Vaude laginen berme-agiriak bakarrik dira zuzenak. Yuma eta Salewa laginek ez daukate inongo berme-agiririk. Vango eta Coleman markakoek badute, baina akastunak dira (bietako aurrenekoa ez dago espainieraz eta ez du adierazten iraupenik; bigarrenak, berriz, ez du adierazten nor den titularra).

Ferrino eta Vauder laginen erabiltzeko eta mantentzeko argibideak bakarrik dira onartzeko modukoak baina, hala eta guztiz ere, su iturrien aurrean nolako neurriak hartu behar diren ez da aipatzen ez batean, ez bestean ere. Gainerako laginak are eta akatsez beteagoak agertzen dira. Beste aldetik, Vango, Coleman eta Salewa laginetan argibideetako batzuk ez daude espainieraz eta Vango markakoan, azkenik, baliatzen diren ikur batzuk ez dira normalizatutakoak.

Orrialde-zenbaketa



Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto