Nabigatze-menua pasa eta edukietara joan

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Buletinak
    •  | Utzi  | Aukerak |
  • Aurreko portadak

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Praktikoena > Lege-aholkularitza

Λ

Zure afera revista.consumer.es aldizkarian konpon dezagun nahi baduzu, jar zaitez gurekin harremanetan. Bistan denez, aldizkari honetatik interesgarrien jotzen ditugun kontsultak bakarrik argitaratuko ditugu

Etxebizitza alokatua berreskuratzeko edo maizterrari errenta eguneratzeko eskubidea

Etxebizitza baten jabe naiz eta duela 25 urte baino gehiago alokatu nuen, errenta zaharrarekin; errenta hori ez da aski gaur egun etxeak sortzen dituen gastuak ordaintzeko. Gainera, azken 24 urteotan etxebizitza alokatu batean bizi beharrean aurkitzen naiz neu ere. Hona nire galderak: badago modurik alokairua igotzeko? bota dezaket maizterra, etxean neu sartzeko?

Lehen galderari buruz, 1994ko Hiri Errentamenduen Legeak ahalmena ematen dio jabeari 1985eko maiatzaren 9a baino lehenago egindako alokairu-kontratuetako errenta eguneratzeko. Horretarako, era frogagarrian jakinarazi behar dizkio maizterrari (burofax eta jaso izanaren egiaztapen bidez) errenta eguneratzea, eguneratzeko arauak eta indizeak. Maizterrak aurka egiteko aukera izango du, eskaera jaso eta hurrengo hogeita hamar egun naturalen barruan nagusiari era frogagarrian jakinarazita. Kasu horretan, errekerimendutik zortzi urtera iraungi egingo da kontratua eta Kontsumoko Prezioen Indizearen sistema erabiliz Estatuko Indize Orokorrarekin bakarrik eguneratu ahal izango da urtero errenta. Maizterrak errenta eguneratzeko eragozpenik jartzen ez badu, eguneratuko den errenta kontratuko hasierako errenta gehi indize zuzentzaile bat izango da (laguntza profesionala eska dezakezu hori kalkulatzeko).

Bigarren galderari dagokionez, etxebizitza berreskuratzeko, etxearen premia egiaztatu beharko da. Gai horri buruz 1964ko Hiri Errentamenduen Legeak jarraitzen du indarrean: beretzat edo bere aurreko edo ondorengoentzat etxebizitza behar duen alokatzaileak, etxea uztea eskatu ahal izango dio maizterrari, jakinarazpena egin eta urtebeteko epean. Maizterrak jabearengandik kalte-ordaina jasotzeko eskubidea du, bi urteko errenta errekerimendua egin eta hurrengo sei hilabeteen barruan etxebizitza uzten badu, edo urtebetekoa etxea urtearen barruan uzten badu. Edozein kasutan ere, egiaztatu egin beharko da etxebizitzaren premia eta egoera hauetako bat dagoela frogatu: jabea edo aurrez aipatutako familiartekoak etxea dagoen udalerritik kanpo bizi eta bizi izatera hara joateko premia izatea (adibidez, lan arrazoiak direla eta); etxebizitza dagoen udalerrian bertan bizi arren, jabearen familia-beharrak handitu direlako lehengo etxea aski ez izatea; jabea edo seme-alabaren bat ezkondu delako etxea behar izatea, edo jabeak, etxebizitza dagoen lekuan bertan helbideratuta egon arren, bere borondatezkoak ez diren arrazoiengatik bere etxea utzi beharra edukitzea.



Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto