Eztei-bazkarian inbitatuek jasaniko toxikazioagatik, indemnizazioa ezkonberriei

Hotel batean eginiko eztei-bazkari bateko hainbat gonbidatuk toxikazioa nozitu zuten, bertan harturiko elikagaien ondorioz. Eragindako kalte moralak arintzeko, indemnizazioa ordain ziezaien eskatu zioten ezkonberriek hotelari eta, 2001eko urtarrilaren 19ko dataz, Valladolideko Entzutegi Probintzialak hotela kondenatu zuen, berrehun mila pezetako indemnizazioa ordain zezan.

Entzutegiak dioenez, ezkonberriek toxikazioa nozitu ez bazuten ere, hotelaren lege-urraketak berebiziko garrantzia izan zuen, eztei-oturuntzan gertatu zelako. Bestetik, toxikazioa eta elikagaien egoera txarraren arteko kausalitate-erlazioa frogatutzat ematen du, jana agortu zenez aztertzea ezinezkoa izan zen arren. Entzutegiak azpimarratu zuenez, elikagai horiek amaitu izatean, eztei-bazkarira gonbidatu diren pertsonen adierazpenek berariazko garrantzia dute.

Kasu horretan, gonbidatuek agerturiko frogarekin batera, oturuntzako bazkaltiar bati osasun-asistentzia eman behar izan zion sendagile baten testigantza ere aurkeztu zuten. Azkenean, eta Entzutegiaren arabera beti ere, ezkontza horren bezperan hotel horretantxe beren eztei-afaria egin zuten beste bi bikote ere Gaztela eta Leongo Juntan azaldu ziren era berdintsuko gertakariak salatzeko; horren ondorioz eginiko ikuskaritzak, jasotako laginetan germenak eta enterobakterioak hauteman zituen.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du