Nabigatze-menua pasa eta edukietara joan

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Buletinak
    •  | Utzi  | Aukerak |
  • Aurreko portadak

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Praktikoena > Lege-aholkularitza

Λ

Zure afera revista.consumer.es aldizkarian konpon dezagun nahi baduzu, jar zaitez gurekin harremanetan. Bistan denez, aldizkari honetatik interesgarrien jotzen ditugun kontsultak bakarrik argitaratuko ditugu

Hegaldia geroratzearen ondorioz, opor egun bat galdu

Kanadarako bidaia egin nuen behin, Bilbotik irtenda Londres aldera eta, bertatik, Vancouver-era abiatzekoak ginen. Inoiz ere azaldu ez zizkidaten arrazoiak bide, Londreserako bidaia berandu aireratu zen eta, ondorioz, Londresen Vancouvererako hegazkina ezin izan nuen hartu. Horrenbestez, helmugara 24 ordu geroago iritsi nintzenez, oporraldietako egun bat eta kontratatua neukan ibilgailuaren alogeraren egun osoko tarifa (10.000 pezeta, alegia) galdu nituen. Aire konpainiak nolako kalte-ordaina zor didan jakin nahi nuke.

  Horrelako kasuetan, hegaldia arrazoirik gabe atzeratzearren kontsumitzaileak nolabaiteko indemnizazioa jasotzeko eskubidea daukan arren, horren munta ez du xedatzen arautegiak. Airezko Nabigazioaren Legeak gauza bakarra xedatzen du: aire-konpainiek ez dutela inolako erantzukizunik erabiltzaileen aurrean, hegaldia geroratze edo bertan behera uzte horiek halabeharrekoak direnean edo hegaldiaren segurantzia kolokan ipin lezaketen meteorologi gorabeherek aginduta badaude. Horiek horrela ere, airezko garraio konpainiek gainerako kasuetan ere inolako indemnizaziorik emateari uko egiten diote den-denetan. Kontratuetan agertzen den baldintza orokor bati heltzen diotenez, atzeratzeengatiko erantzukizunik ez dute bereganatzen, ordutegirik ez dute bermatzen eta, aurretiaz iragarri gabe, ordutegiak aldatzeko eskubidea beren buruari aitortzen diote. Kontratuko klausula horiek, dena den, epaitegiak baliogabetzat hartzen ari dira, Kontsumitzaile eta Erabiltzaileak Defendatzeko Lege Orokorra urratzen dutelako: izan ere, fede onaz eta alderdien arteko kontra-prestazioen bidezko orekaz kontrakoa da aipatutako klausula eta, gainera, kontsumitzailea bidegabe kaltetzen du.

Indemnizazioa jasotzeko eskubidea halakotzat harturik, erabiltzaileak benetan jasaniko kalte-ordainak zehaztu behar dira. Zuk aipaturiko kasuan, kalteak balioztatzeko erreferentziak galdutako oporraldi-epea (egun bat) eta alokatzeko ibilgailuaren tarifa dira. Orientazio gisa, aipa dezagun Madrilgo lehen instantziako 13. Epaitegiak 1999ko apirilaren 23an emaniko epaian, oporraldi egun bat galarazi zion hegaldiaren atzerapen batengatik, erabiltzaileari 52.000 pezeta ordaintzera kondenatu zuela Iberia konpainia. Urtebete geroago, Epaitegi Gorenak beste aire-konpainia bat kondenatu zuen, arrazoitu gabeko hegaldi bat hamar orduz atzeratzearren, erabiltzaileari 250.000 pezeta ordain ziezaion (2000ko maiatzaren 31ko epaia). Arestian (2001eko martxoaren 13an), Madrilgo lehen instantziako beste epaitegi batek hegaldia atzeratzearren, erabiltzaileari 250.000 pezetako indemnizazioa ordaintzera kondenatu du Iberia konpainia.

Kontuan har dezagun, nolanahi ere, indemnizazioa jaso ahal izateko, aire-konpainiaren erreklamazio-liburuan ohartarazpena egin beharra dagoela. Konpainiak bide horri uko egiten badio, hurrengo urratsa epaitegietan eman beharko da.



Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto