Nabigatze-menua pasa eta edukietara joan

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Buletinak
    •  | Utzi  | Aukerak |
  • Aurreko portadak

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Praktikoena > Lege-aholkularitza

Λ

Zure afera revista.consumer.es aldizkarian konpon dezagun nahi baduzu, jar zaitez gurekin harremanetan. Bistan denez, aldizkari honetatik interesgarrien jotzen ditugun kontsultak bakarrik argitaratuko ditugu

Aitaldeko abizena aldatzeko, aita biologikoaren baimena eduki behar

Gure alaba jaiotzean ene ezkontideak abandonatu egin gintuen, gurekin deus nahi ez zuela argi eta garbi utzita. Geroztik haren berririk ez izateaz gainera, umea ikusteko ahaleginik ere ez du egin, banantze-itunean erabaki genuen 25.000 pezeta hori hilero-hilero sartzen duen arren. Orain beste senar bat hartu dut eta harreman berri horren ondorioz semea daukagu. Anai-arrebek abizen berberak izatea gustatuko litzaiguke, ene oraingo senarra alabarentzat ere benetako aita gisakoa baita. Abizenak aldatzeko alabaren aitari baimena eskatu behar zaion jakin nahi nuke, harekin aurrerantzean ere ez dugu eta inongo harremanik izan nahi.

  Alabaren aitaldeko abizenak aldatu eta oraingo zure ezkontidearenak ipintzeko, oraingo senarrak alaba adoptatu egin beharko luke eta, horretarako, nahitaezkoa da neskatxaren aita biologikoren baimena izatea. Bete beharreko legezko urratsak direla eta, dagokion lehen instantziako epaitegiaren aurrean prozedura judizialari ekin behar zaio, bertan epaileak adin txikikoaren interesen alde jardungo duelarik. Amaren (edo aitaren) ezkontideak adin txikiko baten adopzioa formalizatzeko guraso biologikoaren onespena edukitzea beharrezkoa da baina badira salbuespenezko bi kasu: epaiketaren bitartez, guraso biologikoari guraso-agintea kendu izana edo hori lortzeko lege-kausa hasita egotea, Kode Zibileko 177 artikuluak xedatua duen bezala. Jujamendu Zibilaren Legeko 1831 artikuluak, gainera, gurasoa epaiketara dei egitea agintzen du.

Gauzak horrela, adopziozko prozedura judizialari ekin nahi bazaio, guraso biologikoa kontuan hartu ez ezik, dei egin beharko zaio, onespena eman dezan. Esandako salbuespenetatik lehena ez da bidezkoa, aita biologikoari ez baitzaio kendu guraso-agintea behin betiko epaiaren bidez. Bestelako zerbait gertatu da, hau da, epaileak neskatxaren zaintza gauzatzeko ama izendatu du, umearen elikabidea ordaintzeko pentsioa ordaintzeko beharra aitari ezarri eta bisitak egiteko eskubidea aitortu dio, banandu zenez geroztik horrelakorik egin ez badu ere.

Aita biologikoaren onespena kontuan hartzetik salbuetsiko lukeen bigarren kasuari dagokionez, egoera larri-larri batean bakarrik hartuko luke epaileak horrelako erabakirik.

Zaudeten egoeran, ezer egin aurretik, famili arazoetan espezializatutako abokatuarekin kontsulta egitea izango duzue bide egokiena.



Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto