Industriek ingurumenean kalteak eragin eta bizitza kalitatea okertzen dute

Palentziako bizilagun batzuek landetxe bat erosi zuten ohiko etxebizitza gisa erabiltzeko. Landetxearen alboan bi industria zeuden, haziak garraiatu, xehatu eta garbitzen lan egiten zutenak eta horrek eragina izan zuen etxaldearen salerosketako prezio baxuan. Geroago beste industria batzuk jarri zituzten inguru hartan eta larritu egin zen zaratak, hautsak eta keak eragindako kutsadura. Bizilagunen kexuaren aurrean, behar ziren neurriak hartzea eskatu zion Administrazioak industriari, baina ez ziren eskaerak bete. Azkenik, bizilagunek demanda jarri zuten industrien aurka eta bizi-baldintza eta ingurumen egoera onargarriak izatea eskatu.

Lehen instantzian, milioi erdiko kalte-ordaina ematera zigortu zituen industriak epaitegiak. Apelazioan, Palentziako Lurralde Entzutegiak milioi batera igo zuen kalte-ordaina, demandatzaileek etxebizitza erosi zuteneko unea eta prezioa kontuan izanda. Azkenik, Epaitegi Gorenak zazpi milioi pezetan jarri zuen kalte-ordaina 2001eko otsailaren 2ko epaian, kalte-ordainaren eta eragindako kalteen arteko proportzionaltasuna okertzat jo baitzuen.

Epaian Gorenak berariaz azpimarratzen du eskubide publiko eta ekonomikoen alboan bizitza kalitatearekin loturiko eskubideak daudela eta horietako bat ingurumen kalitate egokia izateko eskubidea dela.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du