Ikasleak ez zuen ikastaroaren finantziazioa erabaki

Ikasle batek kontratua sinatu zuen Home English Hizkuntza Akademiarekin. Matrikula sinatzean, banketxeko helbideratzea ere sinatu zuen hilero ikastaroa ordaintzeko.

Kontratuan ordainagiriak zein entitateri aurkeztu behar zitzaizkion ere adierazten zen, baina inolako finantzaketarik aipatu gabe. Hala ere, finantza entitate batek finantzaketa kontratu baten ondoriozko kuotak ordaintzea erreklamatu zion ikasleari, baina ikasleak uko egin zion, akademiarekin ikasturte bat kontratatu zuen arren, ez baitzuen inongo finantzaketarik adostu. Finantza entitateak aurreratu egin zion, itxuraz, ikastaroaren zenbatekoa akademiari, kontsumitzaileak ezer jakin gabe eta banketxeak ikaslearen aurkako demanda jarri zuen, kuotak ordaindu ez zituelako. Epaiketan zehar, inolako mailegu kontraturik ez zuela sinatu alegatu zuen kontsumitzaileak. Epaitegiak adierazi zuen kontsumitzaileak akademiaren eskariz sinatu zuela kontratua eta gero akademiak idazmakinaz erantsi zuela ikastaroaren finantzaketari buruzko informazio zehatza.

Kontratua sinatzea nola gertatu zen kontuan izanda, Madrilgo Lehen Instantziako Epaitegiak, 2001eko martxoaren 19ko epaian, kontsumitzailea funtsezko akats batera eraman zela ebatzi zuen, ez baitzuen sinatu finantzaketa modu hori. Horrenbestez, finantzaketa kontratua indargabe deklaratu zuen eta demanda ezetsi; horrela, kontsumitzailea erantzukizunik gabe utzi eta finantza entitatea kostuak ordaintzera kondenatu zuten.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du