Larregiko isuna film alokatu bat bi urtean ez itzultzeagatik

Kontsumitzaile batek bideoko bi film alokatu zituen 1998ko otsailean, bideotxartel zerbitzuaren bitartez. Filma itzultzean atzeratutako egun bakoitzeko zigorra zehazten zen kontratuan. Bi urtez atzeratu ondoren, enpresak erabiltzailearen aurkako demanda jarri zuen eta zorra erreklamatu zion.

Hala ere, Kordobako Lehen Instantziako Epaitegiak urtebeteko atzerapena bakarrik ordaintzera zigortu zuen erabiltzailea (130.400 pezeta, eta interesak). Merkataritza-entitateak Lurralde Entzutegiaren aurrean apelatu zuen eta 350.000 pezeta eskatu zituen bi urteko atzerapenagatik. Baina Entzutegiak ez zuen onartu eta lehen instantziako epaia berretsi zuen.

2001eko urtarrilaren 9ko Entzutegiaren epaiaren arabera, hamabost egun baino gehiago atzeratzeagatiko klausula zigortzailea abusuzkoa da Kontsumitzaile eta Erabiltzaileen Lege Orokorraren arabera, neurrigabeko kaltea egiten baitio kontsumitzaileari. Entzutegiarentzat, klausula horrek larregiko kaltea zekarren urtebeteren buruan eskainiko ez den zerbitzu batengatik (bideotxartela urtebetera iraungitzen zen) eta bidegabeko aberastea entitate komertzialarentzat, urtebete pasatakoan inolako zerbitzurik eskaini gabe nabarmen irabazi handiak lortzen baitzituen, kalte-galerak egiaz justifikatu gabe.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du