Bidaia konbinatuak: Bidaia-kontratuan agertzen diren baldintzak, funtsezkoak ezer eskatu ahal izateko

  Aseguruen Europako Konpainiaren arabera, iazko uztailean oporraldia hasi zuen estatuko hamaika milioi bizilagunetik 325.000k aldaketak izan zituzten euren hegaldietan. Ekipajea galtzea eta kalteak izatea ere sarri-sarri gertatzen da eta gure oporretako protagonista bihur liteke.

Bidai agentzien zerbitzua ere arazo-iturri izaten da, urtero milaka erreklamazio egiten baita horien aurka iruzurrezko publizitatea, zerbitzuak ez betetzea etab. tarteko. Izan ere, sektorea oso konplexua da eta agentziek antolaturiko oporraldietan gerta daitezkeen arazoen kasuistika oso zabala. Baina erabiltzaileek ere badute euren erantzukizun zatia: jendeak ez ditu ezagutzen bidaiak kontratatzean kontsumitzaileak dituen eskubideak, erreklamazioak egiteko epeak eta bideak, eta bidaia prestatzeko inprobisazioa maite izateak eta prestakuntza guztia azken unerako uzteko ohiturak ere larriagotu egiten dute arazoa.

CONSUMERek, 1995eko Bidaia Konbinatuen Legean oinarritutako txosten honetan, agentzia batean bidaia kontratatzen dugunean sortzen diren zalantzei erantzun nahi die eta baita informazio orriek zer jaso behar duten, tarifak aldatu baldin badira nola erreklamatu, edo aurrerapena ordaindu ondoren ezustekoak sortzen badira bidaiari nola uko egin ere.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du