- Kokapen honetan zaude: Hasiera > Paperezko bertsioa > Praktikoena > Epaiak
Auziek, nahiz eta antzekoak izan, epai ezberdinak izan ditzakete. Orri honek gure eremuko epaitegien epaiak jasotzen ditu, betiere, epai horiek mota guztietako produktu eta zerbitzuetako kontsumitzaile eta erabiltzaileengan eragina baitute. Antzekotasuna duten kasuen aurrean, frogak, inplikatutako aldeen egoera zehatzak eta baita auzitegiak berak ere epai ezberdinak eman ditzake.
Obren larregiko zaratagatiko kalte-ordaina
TweetBizilagunen elkarte batek eraikin mugakidearen jabe zen enpresa inmobiliarioaren aurkako salaketa jarri zuen, obrek eragindako zarata eta euren etxeetan gertatu ziren arrakala eta pitzadurengatik. Administrazio eskudunen aurrean hainbat salaketa aurkezturik zutela egiaztatu zuten eta hainbat ikuskapen teknikoren arabera, soinu maila ere gogaikarria eta larregikoa zela eta Ingurunea Babesteari buruzko Udal Ordenantza urratzen zuela.
2000ko azaroaren 20ko epaian, Madrilgo Lurralde Entzutegiak jabeen elkarteari eman zion arrazoia, ingurumen arazoak eremu pribatuan sartzeak pertsonaren ongizateari eragiten diola kontsideratuz; eta gainera, lesioa eragin dezaketela eta Erromako Hitzarmenak eta Espainiako Konstituzioko 18.1 artikuluak babesten duen pertsonaren eta familiaren intimitate eskubidea ere urratu egiten duelakoan. Hori guztia dela eta, kalte material guztiengatik eta zaraten ondoriozkoengatik kalte-ordaina ematera behartu zuen Entzutegiak obren erantzukizuna zuen enpresa; larregiko zaraten iraupena eta horien ordutegia kontuan izanik, 2.012.000 pezetan baloratu zen kalte-ordaina.
Eduki honen erlazioak
Interesatzen zaizu
Ekintza honek Bizkaiko Foru Aldundiaren Kultura Sailaren laguntza jaso du
Orrialde honen baliabideak
Nabigatze-menuak
Web honen atalak
Beste zerbitzu batzuk
Bigarren mailako beste zerbitzu batzuk
Copyright-i buruzko informazioa eta lege-oharra
EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa